Daclan: Sunshine Guimary ug Ion Perez sa "Kaka"

Ion Perez, Sunshine Guimary ug Jerald Napoles / Instagram
Ion Perez, Sunshine Guimary ug Jerald Napoles / Instagram

MAGKAGUBOT ug magkaguliyang ang tanan sa katawa ug ka-init sa mga eksena sa gipailaila ug gilusad karon nga si Sunshine Guimary, ang babayeng misikat sa internet.

Kon wa ko masayop usa ka Cebuana kini si Sunshine ug matod pa niini nga andam siyang buhaton ang tanan para lang ining iyang launching movie nga “Kaka.”

Malipayon ug mapasalamaton kaayo ang babaye sa Viva films kay una kini niyang pelikula ug siya pa gyud ang bida mao nga dili niya usikan ang oportunidad nga naabot kaniya karon.

Ang ending bisan unsay ipabuhagay niya basta gipangayo lang sa iyang papel dili kini niya balibaran.

Sa pagkakita nako sa trailer niini grabe ka mga init sa eksena dinhi sa duha ka leading man silang Jerald Napoles ug Ion Perez.

Sa usa ka interbyu kaniya, dili sa iyang mga co-star siya na kuyawan, kon dili kang Vice Ganda nga walay labot sa pelikula.

Unsaon duna man guy mga init nga eksena sila dinhi ni Ion nga basin daw og moreact si Vice sa ilang eksena.

Matod pa niya nga trabaho ra kini tanan ug huwaman ra kini niya dinhi isip iyang leading man.

Makauban usab nila dinhi silang Rosanna Roces, Maui Taylor, Jackie Gonzaga, Juliana Parizkova Segovia ug ang beteranong aktress nga si Gina Pareño.

Sa trailer nga akong nakita riot sa komedi ang ilang mga eksena dinhi mao nga karon pa lang daghan na ang nag-atang ini online.

Na-pressure usab ang Sunshine nilang Rosanna ug Gina nga ikatigi niya sa aktingan.

Gipili gyud diay sa direktor ining si GB Sampedro ang tanang cast niini nga gitawag ini og powerhouse cast.

Kon na-pressure ang bida dinhi nga si Sunshine, mas dako ang gibating ka-pressure usab ni Ion.

Tiaw mo kana nga unang higayon kini niya nga leading man sa pelikula ug nasayud sab ta nga may pagka-mauwawon kining model turned actor sa “It’s Showtime.”

Dili daw komedya ang mahimong leading man, gitun-an niya og maayo ang iyang papel labi na nga anak og datu siya dinhi, matod pa ni Ion nga buhaton niya kutob sa iyang makaya nga matagaan og hustisya ang iyang role.

Gibasa niya ug maayo ang script ug nagpangutana sa iyang mga kaila ug higala kon unsaon ang karakter sa datu.

Gani nangayo usab kini ug advice sa partner ining si Vice Ganda gihatagan sab kini ug giingnan nga “Kaya ra kini niya”, Ay’g Saba!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph