TALAGSAON nga opensiba ang gipabuto sa Boston Celtics aron mobangon sa 32 puntos nga labaw batok San Antonio Spurs, 143-140 sa ilang overtime nga kadaugan.
Si Jayson Tatum niiskor og 60 puntos aron pangulohan ang Celtics uban sa 17 puntos ni Jaylen Brown aron makumpleto ang ilang greatest comeback.
Ang San Antonio nga gipangulohan ni Demar Derozan nipaarak og 30 puntos ug 14 assists ug ang Spurs adunay 71.4% field goal sa first half hinungdan nga gilubong og 32 ang Boston.
Pagsugod sa third quarter, didto na nibuto ang opensa sa Celtics ug sa 4th quarter, si Tatum niiskor og 21 puntos ug 10 puntos ang iyang gimaniobra sa extra 5 minutes sa overtime.
Niadtong Abril 9, si Tatum niiskor usab og 53 puntos nga maoy iyang career high batok sa Minnesota Timberwolves. (PAC)