Ang Land Transportation Office (LTO) 7 sa di madugay mohiusa sa iyang driving course ngadto sa National Certificate (NC) courses sa Technical Education and Skills Development Authority (TESDA).
Kini aron dunay kapilian ang publiko sa pagkuhag lisensya nga wa na kinahanglanang mogastog dako.
Si LTO 7 Regional Director Victor Emmanuel Caindec niingon nga gipirmahan na ang memorandum of agreement niadtong Marso 12 aron mahag-uyon ang “driver’s training, education, and transformation” sa duha ka mga ahensya.
Nidugang si Caindec nga naghuwat lang sila sa implementing guidelines aron pormal nga ipatuman ang partnership.
“We’re working with TESDA para ma-activate na nato ang Tesda nga program. Ang katong NCII, NCIII nga program sa Tesda i-accredited namo og apil sa LTO,” matod sa direktor.
Matod sa MOA nga kini “will empower Tesda and its training centers to offer Theoretical Driving Course and Practical Driving Course (PDC) equivalent to that being offered by the LTO Driver’s Education Center.”
Matod sa MOA, ang Tesda Driving NC II tumbas sa PDC alang sa non-proffesional driver’s license nga dunay restriction code 2.
Samtang ang Tesda Driving NC III tumbas sa PDC alang sa non-professional driver’s license ug/kun dugang restriction code 3/8.
Sa pagkakaron, ang LTO 7 nagtanyag og technical driving course (TDC) pinaagi sa iyang DEC ngadto sa publiko nga di maka afford sa pribadong driving school.
“This is still on top of the Malasakit Program gibuhat sa LTO where we’re giving out free scholarships sa Theoretical Driving Course pinaagi sa atong collaborations sa mga local government units,” matod ni Caindec. / REV gikan sa PR
Sa Abril 30, ang LTO naka accredit na og 36 ka pribadong driving schools sa Central Visayas.
Sa Cebu City, ang accredited driving schools mao ang AZB88 Driving School, TL Mabuhay Driving Lesson Academy Inc., in Mambaling and Pahina Central, CTS-Cebu, ug Smart Driving School sa Mabolo.
Sa Dakbayan sa Mandaue, upat ang driving schools nga naglakip sa TL Mabuhay, AZB88 Driving School, NC Tiger Driving School, and P5 iDrive Driving School.
Ang TL Mabuhay, AZB88 Driving School, ug MJM Lapu-Lapu accredited usab sa Lapu-Lapu City.
Samtang sa Talisay City, ang TL Mabuhay ug Garnet Driving School accredited sab.
Accredited usab ang TL Mabuhay ug St. Raphael Driving & Technical School Inc. sa Consolacion.
Alang sa mga residente sa Danao, naa ang TL Mabuhay, Primetech Skill Institute, ug NC Tiger Driving School.