MANILA – Sa akong miagi nga kulom diin ang ang akong topic mao si Claudine Barretto ug in passing nahisgutan nako ang Cebuana socialite nga si Aida Patana nga kaniadto pa matunog ang pangalan bisan dinhi sa Manila kay lagi sa showbiz umiikot ang iyang buhay being the concert producer sa mga sikat nga singers dili lang sa local kundi mga foreign singers pa.
Never pang nag-krus ang dalan namo ni Aida until last Saturday sa dihang nibisita ako sa studio sa show nga “Sikat Noon, Sikat Ngayon” sa EuroTV hosted by China Roces, Throy Catan ug Lito de Guzman ug tamang-tama guest diay si Miss Aida Patana.
Bisan og lola na, pero pretty pa gihapon si Miss Aida nga i-represent ang Pilipinas karong tuiga sa tulo ka international beauty pageant for married women.
PAGEANTS
Yes, tulo ka higayon siyang mobangga ug ang una niyang laban karong May sa Malaysia so medyo nagpe-prepare na siya.
Ang una niyang salmutan mao ang Mrs. Tourism Ambassador Universe sunod naman ang Mrs. Universe East Pacific og may usa pa bago mag-sarado ang year 2021.
Super busy si Aida tungod kay kabubukas lang ng iyang talent center sa Manila and then co-producer pa siya sa comeback movie ni Claudine Barretto ug may regular game show pa siya sa Cebu, ang “The Aida Patana Show.”
Anyway, sa nahisgutang guesting ni Aida sa EuroTV, may dala-dala siyang products from Cebu nga iyang negosyo, dried mangoes, wine ug insurance from M Lhuillier.
LAING GUEST
Maliban kang Aida, guest sad that time si JR Estudillo.
Kon aduna moy KUMU account perhaps napanood niyo nang nagho-host si JR og usa siya sa mga Superstar karon sa KUMU kay Bronze category na siya.
Eh ma-Blue Checker pa nga lang, para ka nang dumaan sa butas sa karayom, how much more kung Bronze?
Niangkon si JR nga dako ang natabang sa KUMU kaniya financially, may mga na-ipatayo siyang mga negosyo, nakapalit og condo og uban pa.
Pero bisan og limpak-limpak na ang kita ni JR siyempre di niya malimutan ang iyang love for singing in fact, aduna siya karon single ang Maskara nga ang lyrics patungkol sa pagminahalay during the pandemic.
Sa EuroTV ko sad na-ambush interview ang sikat nga Tiktoker nga si Magdalena Fox og may video ako kaniya sa akong Dear Tito Timmy Page og Timmy Basil Youtube.
Si Magdalena usa ka gwapang gay pero kong tanggalon niya ang iyang pustiso og wig, yun na kataw-anan kaayo.