SUPERBALITA CEBU

DSWD 7 mihimo sa unang 4Ps graduation ceremony

DSWD 7 mihimo sa unang 4Ps graduation ceremony. (File photo)

UNANG graduation ceremony sa mga benepisaryo sa Pantawid Pamilyang Pilipino Program sa Central Visayas sa Department of Social Welfare and Development (DSWD) 7 gipahigayon sa lungsod sa Daanbantayan, Sugbo niadtong Abril 21.

Ang lungsod dunay 152 ka mga pamilya nga nakagraduwar na sa programa. Sa maong gidaghanon, 103 ka mga pamilya ang nakaabot na sa ‘level three of well-being’ o dili na matawag nga kabus kaayo. Samtang, ang 49 ka pamilya wala nay eligible children.

Si Assistant Regional Director for Operations Shalaine Marie Lucero namulong nga ang ilang dapit sa programa pulihan sa bag-ong pamilya nga kuwalipikado.

“Tungod sa inyong pag-graduate, aduna nay mga pamilyang mga tabangonon ang adunay tyansa nga makaapil ug makatagamtam sa benepisyo sa Pantawid Pamilya,” matod ni Lucero.

Gipasabot niya nga ang Republic Act 11310 o 4Ps Act, ang bag-ong beneficiaries sa Pantawid Pamilya makabenepisyo ubos sa programa sulod sa pito ka tuig.

Dugang ni Lucero, nagpili na og mga pamilya nga mohulip pinaagi sa ilang Listahanan sa labing kabus nga pamilya nga mohaom sa programa.

Dunay 8,744 ka aktibong Pantawid beneficiaries sa Daanbantayan.

Si Daanbantayan Mayor Sun Shimura nisulti sa mga ninggraduwar nga dili mobati og kasubo nga mawala na sa programa, human sila naghatag og kahigayonan sa ubang pamilya sa lungsod.

“The local government of Daanbantayan will always be here to support and help you,” sumala ni Shimura.

Matod niya, ang lokal nga kagamhanan dunay programa sama sa scholarship programs, technical vocational training, health programs, and entrepreneurship programs.

Ubang national government agencies may programa ug serbisyo sama sa Department of Health, Department of Education, Department of Trade and Industry, Technical Education and Skills Development Authority, ug uban pa.

Si Regional Director Rebecca Geamala nipaklaro nga makahimo gihapon sila sa pagkuha sa programa ug serbisyo sa departamento ug uban ahensiya sa kagamhanan.

“Ang pag-graduate ninyo sa 4Ps is a stepping stone for you to have more access in many opportunities,” matod ni Geamala.

Ang 4Ps nahimong balaud niadtong Abril 2019. Usa kini ka national poverty reduction strategy ug human capital investment program nga naghatag og conditional cash transfers sa mga kabus nga pamilya sa pagpalambo sa ilang panglawas, nutrisyon ug edukasyon.

Uban niini ang psychosocial ug educational component pinaagi sa Family Development Session (FDS), paggiya sa mga benepisaryo nga molambo ug mahaw-as sa kalisod. (PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph