GIPANGBALHOG karon sa San Pedro Police Station ang lalaki ug babaye nga nasakpang nagkinaguray sa ilang lawasnong kalipay likod mismo sa building sa Davao City Hall alas 11:30 sa gabii niadtong Dominggo, Mayo 2, 2021.
Subay sa impormasyon nga natala sa San Pedro Police Station, nasayran nga daling mitawag og pulis ang usa ka empleyado sa City Hall human iyang nakit-an ang law-ay nga gihimo nila alyas Billy, 35 anyos, ug usa ka Maricar, 43 anyos, parking girl ug nagpuyo sa Barangay 1-A, Poblacion District, siyudad sa Davao.
Una niini, giukoy pa sa empleyado ang duruha nga iyang nakita sa paneguro nga law-ay gayod ang ilang gihimo.
Nasayran nga perteng sandig sa babaye sa bungbong nga semento ug perte sab nga kasta sa lalaki ngadto sa babaye.
Daling miabot ang kapulisan sa San Pedro, hinungdan nga naundang ang ilang kalipay diin misangko sila sa buhatan sa presinto dos.
Giandam na ang kasong public scandal batok sa duruha didto sa korte.