SUPERBALITA CEBU

Martin: Ang kapalaran sa ‘Menudo’

EX-MENUDO member nga si Ruben Gomez (ikaduha gikan sa wala) atol sa pagbisita niya sa Sugbo niadtong 1998. Kauban niya sa hulagway ang kanhi boyband sa Cebu media nga Presskit. / Tampo

Tagming

Kalit ko nakahinumdom sa ex-Menudo member nga si Ruben Gomez nga akong nakauban atol sa promo show niya sa Sugbo niadtong mga 1998.

Kini tungod sa balita nga namatay na ang ex-member sa Menudo nga si Ray Reyes, kinsa nakit-an nga wala nay kinabuhi sud sa iyang lawak niadto lang Biyernes.

Wala pay unom ka buwan dihang namatay usab ang laing ex-Menudo member nga si Anthony Galindo human giingong naghikog niadtong Oktubre 2020 tungod sa depression nunot sa pagka-down sa ilang entertainment didto gumikan sa Covid-19.

Subo palandungon nga daghan sa mga sikat nga personalidad ang usa-usa nang nangawala. Bisan gani sa atong mga kaila daghan ang nipanaw ning panahon sa pandemya.

Ang Menudo daghan og mga miyembo kay sa higayon nga mopatong na sila sa edad nga 16 kinahanglan silang mogradwar na sa maong grupo.

Si Reyes ang nakauban niadto nilang Robby Rosa ug Ricky Martin sa Menudo apan silang Gomez ug Galindo uwahi na ni silang nisud.

Tingali ang mga milenyal di maka-relate ani pero ang Menudo mao gyuy orihinal nga boyband. Kanang Backstreet Boys, Westlife, Boyzone ug mga K-pop nga inyong gikaboangan karon mga copycat na lang na.

Ang Latino boyband namugna 1977 sa Puerto Rico apan mas nisikat sila sa panahon nilang Robby Rosa ug Ricky Martin sa mid-80s diin lakip sa ilang hits ang “If You’re Not Here” ug “Like a Cannonball.”

Wala na koy balita ni Ruben Gomez apan si Robby Rosa kaduha na na-diagnosed og cancer. Niadtong 2019 gideklarar siyang cancer-free. Niana usab tuiga dihang nakig-divorced siya sa iyang misis for 30 years. Samtang si Ricky Martin going strong sa iyang “husband” human sa ilang gay wedding niadtong 2018.

OBER DA BAKOD



Kining pag-ober da bakod sa mga Kapuso star sa Kapamilya nagpaila lang nga kusog gyud ang ABS-CBN kay wa pa gani nay franchise ha unsa kaha kon naa pa.

Hinuon, pila na lang ka buwan eleksyon na man sad ug dili imposible nga sa dili madugayg madali makabalik ra gihapon ang ABS-CBN.

Human nilang Janine Gutierrez ug Sunshine Dizon duna pa kunoy laing mosunod. No comment pa si Lovi Poe pero tan-aw nako di siya buhian sa GMA kay siguradong mas mosikat ni siya sa ABS-CBN.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph