SUPERBALITA CEBU

11 sikop sa 2 ka mga tigbakayan sa Lapu-Lapu

NASIKOP sa managlahing operasyon sa Lapu-Lapu City Police Office (LCPO) ang moabot sa 11 ka mga indibidwal nga naglakip sa duha ka menor de edad human sila nagpahigayon og tigbakay niadtong Dominggo, Mayo 2, 2021.

Unang nangasikop alas 10:40 sa buntag mao ang mga nagpahigayon og tigbakay sa Sitio Bato, Barangay Mactan pinaagi sa operasyon nga gilusad sa Mactan Police Station pinangulohan sa ilang hepe nga si Police Major Narciso Abapo.

Nasikop sila si Marlou Torniado Centino, 38; Alvin Taghoy Taneo, 41; Ricardo Bontilao Cuizon, 50; Janilou Limpio Villacencio, 30; ug Ananias Guarin Ortega, 32, nga pulos nanimuyo sa Sitio Bato, Barangay Mactan.

Nakuha gikan nila ang kwarta nga pusta sa tigbakay ug duha ka manok igtatari. Usa sa mga manok samaran.

Matod ni Abapo, usa ka concerned citizen ang nitawag sa Mactan pulis kalabot sa gipahigayong tigbakay.

Sunod nga nasikop alas 12:30 sa udto mao usab ang mga nagpahigayon og tigbakay sa Sitio Mahahay, Barangay Bankal pinaagi sa operasyon sa mga sakop sa Pusok Police Station nga gipangulohan sa ilang hepe nga si Police Major Aibert Jay Samson.

Nasikop sila si Nicasio Aying Casinillo, 60; Tirso Dungog Inot, 62; Romel Cabreza Casinillo, 41; Junas Presbitero Amigable, 41, ug duha ka lalakeng nag-edad og 16 ug 17-anyos. Lumolopyo sila sa Barangay Bankal ug Barangay Buaya.

Nakuha gikan nila ang tulo ka manok igtatari, buwang ug pusta sa tigbakay.

Matod ni Samson nga nakadawat usab sila ug taho kalabot sa gipahigayong tigbakay.

Mag-atubang ang mga dinakpan sa kasong kalapasan sa Presidential Decree 1602 o balaod batok sa illegal gambling. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph