SUPERBALITA CEBU

6 ka balay sa Lapu-Lapu nasunog

SUNOG: Si Lapu-Lapu City Mayor Junard Chan miduaw sa dapit sa Barangay Basak nga nasunogan, diin unom ka mga balay ang nangaugdaw. / Gikan sa FB page ni Mayor Ahong Chan

MOABOT sa unom ka mga panimalay ang naugdaw sa sunog sa Sitio Caimitohan, Barangay Basak, Dakbayan sa Lapu-Lapu hapon sa Mayo 2, 2021.

Walay naangol o namatay sa sunog.

Gibanabanang moabot usab sa 28 ka indibidwal ang apektado base sa talaan sa kagamhanan sa Lapu-Lapu.

Matod ni SFO1 Leomar Suello sa Lapu-Lapu City Fire District, gibana-babang mokabat sa P122,500 ang danyos sa sunog.

Nadawat sa kabomberohan ang alarma sa sunog alas 2 sa hapon pinaagi sa tawag ni Joy Sumalinog. Nakontrolar ang kayo human sa pipila ka minutos.

Nagpadayon pa ang imbestigasyon sa kabomberohan sa hinungdan sa sunog.

Si Lapu-Lapu City Mayor Junard Chan nipahimangno sa mga Oponganon sa pagmatngon sa sunog hilabi na nining panahon na sa ting-init.

"Pagkadungog nato sa maong hitabo, dali kaayo kita nga milabang gikan sa Olango Island paingon diri sa Mainland para atong mahatdan og pagkaon ug pangunang mga gamit ang mga biktima sa sunog sama sa habol, banig, planggana, mga plato ug uban pa nga maoy ilang magamit samtang magpasilong sa tent nga gi-setup sa mga sakop sa atong DRRMO," nagkanayon ang mayor.

Gipakigtagboan dayon sa mayor ang mga lumolupyo nga apektado sa katalagman.

Gitagaan na usab sa kagamhanan pinaagi sa City Social Welfare and Development Office ang mga nasunogan og banig, habol, planggana, plato ug uban nga maoy sagad dinalian nilang panginahanglan.

Pakan-on usab sila sa mosunod mga adlaw samtang sila padayon pang mobarog gikan sa pagkasunog sa ilang mga panimalay.

Niadtong Abril 27 usa usab ka sunog sa Sitio Bukidbukid, Barangay Pajac ang nakaingon nga nawad-an og mga panimalay ang 15 ka pamilya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph