SUPERBALITA CEBU

5 ka ‘abortionists’ nadakpan

Nasikop sa entrapment operation sa National Bureau of Investigation (NBI-7) ang lima ka mga tawo nga mga sakop sa grupo nga nagpakaaron-ingnon nga lehitimong abortionist.

Kini maoy gipahibaw sa buhatan sa usa ka press conference sa Mayo 3, 2021.

Mga suspek nga gipasakaan na og kaso mao sila si Joey Paulino Guirigay, 38, usa ka computer programmer, taga Tagbilaran City, Bohol; Francisca Abatayo Rebamonte, 42, taga Sitio All Season, Cogon Pardo; Gloria Dalogdog Gabutin, taga Mahayahay I, A. Lopez St. Calamba, Dakbayan sa Sugbo; Maryteissie Pode Rural, 59, taga Katugasan, Barangay Perrelos, Dakbayan sa Carcar; ug Amparo Lumagbas Gemarangan, 82, taga Barangay Mohon, Dakbayan sa Talisay.

Ang NBI nilusad sa operation human sila nakadawat og kasayuran sa ilang informant kalabot sa grupo nila ni Guirigay.

Sa ilang entrapment operations, unang nasikop sa Mohon, Talisay sila si Gemarangan ug Rebamonte. Dayon gisunod sila si Gabutin ug Rural sa Labangon, Dakbayan sa Sugbo.

Si Guirigay nasikop sa V. Rama Avenue dihang mokuha na unta sa kwarta sa babayeng mabdos og walo ka buwan nga kauban diay sa NBI 7.

MODUS

Pinaagi sa fake account sa social media, makig-chat si Guirigay sa mga babaye nga gustong magpa-abort o magpalaglag sa gisabak.

Tultulan dayon kini ni Rebamonte ug papilion sa duha ka packages. Kon gusto sa kustomer og barato, mahimo siyang mopalit og tambal nga tag P9,500 nga i-resita ni Gabutin.

Kon gusto usab niini sa mas mahal nga package, ihatod usab niya sa balay nga gihimong klinika sa dakbayan sa Talisay kon asa nagpuyo si Gemarangan ug ang assistant niya si Rural.

Ang paagi, mao ang pagpasuyop sa puya pinaagi sa mga medikal nga instrumento. Mokantidad kini og P30,000.

“We have information that this Gloria Gabutin was doing this since 2011. Duna say information nga daghay nakaila na ani nila. Murag dugay na gyud ni nilang gibuhat and let me remind you nga sa atong jurisprudence sa atong balaod, intentional abortion is a crime. Dili lang sa nag abort sa bata, hasta ang nagpa abort sa bata kasohan gihapon... wala pa ba gi-legalize ang abortion sa Philippines,” matod ni Oliva.

Atol sa operasyon nasakmit ang mga ebidensya sama sa speculum, suction syringe, rubber mat ug plastic basin.

Atol sa pakighinabi sa mga tigbalita, padayon nga nag tulod-tulog ug mihimakak ang mga suspek sa gipasangil kanila.

Kasong Intentional abortion ubos sa Article 256 in relation to Sec. 8 of the Revised Penal Code and in relation to Republic Act 10175 o ang Cybercrime Prevention Act of 2012 ang atubangon sa mga dinakpan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph