SUPERBALITA CEBU

Mismong si Pacquiao ang moanunsyo sa iyang away

Giklaro ni 8-division world champion Manny Pacquiao nga kasamtangang nagpadayon ang negusasyon alang sa iyang pagbalik og away.

Apan matod ni Pacquiao, dili pa siya mohatag og detalye sa negusasyon aron malikayan nga adunay mahitabong kakulian.

“May ongoing negotiation na hindi ko lang muna sabihin para di magkaroon ng problema,” asoy ni Pacquiao nga napatik sa www.gmanews.tv.

“Hindi muna natin sasabihin sa ngayon dahil kasama din ’yan sa pag-uusap namin. Kasama din ’yan sa announcement.”

Ubay-ubay na sab nga pangalan ang nahisgutan kabahin sa sunod nga makontra ni Pacquiao apan hangtod karon, wala pa’t katinuan kon kinsa.

Naa sila si World Boxing Organization (WBO) welterweight champ Terrence Crawford, Ryan Garcia, ug four-division champion Mikey Garcia.

Nidugang si Pacquiao nga kon mahan-ay na ang tanan, nahilakip sa iyang ianunsyo sa publiko kon mao na ba kini ang katapusang away nga iyang sagubangon.

Si Pacquiao katapusang miaway niadto pang Hulyo, 20, 2019. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph