SUPERBALITA CEBU

Mayor Labella nagpabakuna

SUMBANAN: Aron paghatag og kumpiyansa sa senior citizens si Cebu City Mayor Edgardo Labella nagpabakuna kontra Covid-19. / Cebu City Hall PIO

ARON pagdasig sa mga senior citizen sa Dakbayan sa Sugbo nga magpabakuna, si Mayor Edgardo Labella nagpabakuna og CoronaVac sa Sinovac sa Martes sa buntag, Mayo 4, 2021, sa SM Seaside mall.

Uban kang Labella, 69, ang iyang asawa nga si Joy nga senior citizen usab.

Ang mayor magsaulog sa iyang ika-70 nga kasumaran sa adlaw nga natawhan sa Mayo 22.

Unang nagpabakuna si Bise Mayor Michael Rama, kinsa usa usab ka senior citizen, niadtong Abril 2021 sa Robinsons Galleria.

Matod ni Labella nga uwahi siyang nagpabakuna aron hatagan og kahigayunan nga maka-una ang ubang mga tawo.

Ikaduha, naghuwat pa usab siya og medical certificate gikan sa iyang doktor nga luwas siya alang sa pagpabakuna.

Matod ni Labella nga human siya nabakunahan, wa siyay nasinating dautang epekto o gipamati.

Iyang giangkon nga dunay risgo sa bakuna, apan mas dako ug bug-at ang dalang kahigayunan niini.

Si Dr. Jeffrey Ibones, officer-in-charge sa City Health Department, niingon nga sa wa pa bakunahi ang mayor ug ang asawa, ila unang gisusi ang vital signs niini.

Ang blood pressure (BP) sa mayor sa wa pa bakunahi, naa sa 120/80 ug pagkahuman sa pagbakuna, wa kini mausab.

Bisan way gipamati ang mayor, si Ibones nitambag kang Labella sa pagpabilin og mga 30 minutos sa vaccination site aron masuta kon wa bay laing pamati-on ang mayor.

AYAW OG KOMPYANSA



Gipahinumdoman ni Labella ang publiko nga di mahadlok sa pangbakuna, kay sa bata pa, daghan og naagian nga mga bakuna, kadaghanan nagbilin og mga uwat sa bukton.

Una magpabakuna, gikinahanglan nga morehistro ang senior citizen ug mga tawo nga dunay comorbidities.

Apan, iyang giawhag ang senior citizens nga nabakunahan na sa di pagkompyansa.

“Bisan gani kanang mga nagpabakuna na hangyuon nako, nga bisan nagpabakuna na mo, ayaw gihapon mo pagkompyansa, mag health protocol gihapon... mask, shield, social distancing. Unya likayan ang mga pundok pundok gyud,” matod ni Labella.

Samtang si Ibones nagpasalamat sa Department of Health (DOH) 7 nga nipadala og 20 ka mga nurse sa vaccination site sa SM Seaside aron pagtabang sa pagpamakuna.

Gawas sa DOH, nipadala usab og mga medical personnel ang Perpetual Succor Hospital ug Visayas Community Medical Center.

Iya usab nga giawhag ang 80,000 ka senior citizens sa pagparehistro sa pagpabakuna kay sa Martes, Mayo 4, mga kapin lang sa 30,000 ang nagparehistro, apan 20,000 lang kapin ang andam magpabakuna.

Matod ni Ibones nga malipay na siya kon dunay kapin sa 50 porsyento sa senior citizens ang magpabakuna. (REV)

VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph