SUPERBALITA CEBU

P1M drugas, armas sakmit sulod sa Cebu City Jail

(Hulagway gikan ni Arnold Bustamante)

Nasubay na sa Philippine Drug Enforcement Agency (PDEA) 7 ug Bureau of Jail Management and Penology (BJMP) 7 diin nagagikan ang 32 ka pakete sa shabu nga nasakmit atol sa greyhound operation niadtong Huwebes sa kaadlawon, Mayo 6, sa Cebu City Jail (CCJ) male dormitory.

Ang nasamit mobalor og P1,088,000 base sa Dangerous Drugs Board (DDB) value.

Lakip sa nakuha sa sulod sa pasildiad mao ang usa ka kalibre 45 nga pistola, magasin uban sa mga bala niini, cellular phones, mahaiit nga hinagiban ug mga sigarilyo nga gidili sa sulod sa CCJ.

Ang ilegal nga drugas nga gituohang shabu nahimutang sa usa ka kubol diin naa ang duha ka mga piniriso nga gipaubos na karon sa imbestigasyon hinungdan nga wala una gibutyag sa awtoridad ang mga pangalan sa hingtungdan.

Si PDEA 7 Director Levi Ortiz nagkanayon nga ang BJMP ang nitawag kanila nga ipahigayon ang greyhound tungod sa pagtuo nga daghang kontrabando ang nakasulod sa pasilidadl.

Nagtambayayong karon ang PDEA ug ang BJMP sa ilang imbestigasyon nganong nakasulod ang maong kontrabando bisan sa kaestrikto sa ilang gipatuman nga seguridad sa gate.

Si Jail Superintendent Jose Rusyvil Abueva, jail warden sa CCJ, nagkanayon nga nakadawat silag impormasyon gikan ra usab sa sulod nga adunay daghang kontrabando nga naka sulod na.

Tungod niini, nakig-alayon dayon sila sa PDEA 7 aron mahatagan nila kini og pagtagad ilabi na nga kanunay mogawas ang mga pangalan sa ilang binilango nga nagpadayon ang ilegal nga negosyo niini sa gawas.

Dugang ni Abueva nga usa sa ilang gidudahan nga gipalusot ang mga pinutos sa ilegal nga drugas pinaagi sa paglabay niini sa koral nga gitawag nila og ‘bombing.’

Dugay nausban ang greyhound operation tungod sa miigo nga pandemiya diin ilang giestrikto ang pagpasulod sa pasilidad aron dilii matakdan ang mga binilanggo.

Samtang gipanglahi og selda kadtong drug personalities nga mogawas gihapon ang ilang pangalan sa mga drug operation sa kapulisan sa siyudad sa Sugbo. / (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph