Si Presidente Rodrigo Duterte midayeg sa Office of the Presidential Assistant for the Visayas ug Department of Health (DOH) 7 sa pag-umol sa Visayas Covid-19 Vaccination Operations Center (VVOC) sa Mandaue City.
Sa usa ka mensahe nga gipirmahan sa Presidente, siya niingon nga siya “pleased” sa panagtambayayong sa OPAV, DOH 7, ug private sector sa pag-umol sa VVOC.
“I am certain that through the dedicated efforts of the men and women of the VVOC, we can ensure the efficient delivery, storage and distribution of the vaccines to various local government units in the Visayas,” matod sa tipik sa mensahe sa Presidente.
Nagtuo usab si Duterte nga pinaagi sa VVOC manual, “we can harmonize the steps to be taken by our Visayas LGUs so that their efforts would be aligned to our national vaccination plan.”
Nadawat sa Opav ang suwat sa Miyerkules, Mayo 5, 2021.
Ang pagpadangat sa manual sa VVOC karong semanaha naa sa Eastern Visayas human nila nahuman ang pag apod apod ug pagpasawo sa Covid-19 response best practices sa Central Visayas. (PR)