WALA makuha ang "balay sa tong-its" kay miabot ang operatiba sa Toril Police Station alas 4:30 sa hapon, Miyerkules, Mayo 5, didto sa Sitio Punong, Barangay Lizada, Toril, Davao City.
Pulos mga babayeng hamtong ang gipangdala sa presinto 8, lakip na ang mga ebidensiya nga baraha ug ang pusta nga P205.
Sumala ni Police Major Michael Uyanguren, ang hepe sa Toril Police Station, nga gawas sa ilang pagpakusog sa kampanya batok ilegal nga druga, ila sab nga gipakusgan ang pagpanakop sa mga malapason sa illegal gambling.
Sa talaan sa Davao City Police Office (DCPO), nanguna ang Toril police sa pinakadaghang operasyon sa illegal gambling ug gisundan kini sa Calinan Police Station. (Jeepy P. Compio)