SUPERBALITA CEBU

Super Suroy: Lingaw nga way puas sa Asturias

Jesson J. Morata

Nagsuwat, Hulagway

Dakong kawad-on sa turismo dinhi sa lalawigan sa Sugbo ang nasinateng pandemya.

Nunot niini, ubay-ubay nga mga tourism-related nga patigayon ug mga suroyanan ang mihunong sa ilang operasyon tungod sa gipatuman nga lockdown sa nasud lakip na ang Sugbo.

Niining bag-o, ang atong mga opisyales sa lalawigan mibukas sa tourism sites. Gidasig sa atong mga kadagkoan ang publiko sa pagbisita pagbalik sa mga naandang tourism sites sa Sugbo.

Kini isip tabang sa tourism sector ug pagpabarug pagbalik sa nilukapa natong ekonomiya resulta sa lockdown.

Tuod man, nahatagan ug higayon sa mga Sugbuanon nga masuroyan ang mga lokal ug inilang mga tourist spots sa Sugbo sama sa Isla sa Bantayan, Camotes ug mga maanindot nga beaches sa Moalboal ug uban pa.

Dili lang kana, may mga bag-ong lugar nga nahimo usab nga atraksiyon sa mga Sugboanon sama sa Roro Port, Cordova, ug Transcentral Highway nga maoy paborito adtoan sa mga bikers ug mga joggers.

SUROYANAN SA ASTURIAS



Nasayod ba kamo nga aduna bag-ong atraksiyon ang Lungsod sa Asturias?

Ang Lungsod sa Asturias usa ka third class Municipality nga mahimutang sa Amihanang-Kasadpang bahin, probinsiya sa Sugbo.



Usa sa mga mamahimong kabahin sa imong stay sa St. Anthony Beach Resort mao ang pag-trek sa Manguiao Falls.

Alang sa mga mahiligon sa trek ug trails ang dalan padulong sa Manguiao Falls haom alang kanimo.

Gawas sa maanindot nga talan-awon, preskong hangin ug lunhaw nga palibot, mamahimo kaayong maligo sa bugnawng tubig nga midagayday sa maong busay.

ASA DAPITA?

Ang maong busay nahimutang 12 kilometros gikan sa St.Anthony Beach Resort mamahimong maabot pinaagi sa sakyanan, gikan sa highway padung sa Barangay Manguiao, Lungsod sa Asturias.



Gikan sa main road (molusot sa Danasan, dakbayan sa Danao) mahimo nang naugon ang nahimutangan sa falls.

Pagkahuman sa kapin sa 300 nga lakang sa pag-trekking, maabot ang usa ka tago nga bahandi sa Asturias ang Manguiao Falls.

Apan siguradong mahupay ang imong kakapoy tungod sa nindot nga palibot ug sa bugnaw nga tubig.

UNSAY NAA?



Sa imong pag-abot sa lugar adunay mga lamesa ug lingkoranan diin mamahimong pag picnic o mokaon kauban ang pamilya ug higala, kini eksklusibo ra sa mga bisita sa resort.

Mamahimong magdala og pagkaon ug tubig.

Tips: Hinumdumi lang nga dili magpataka ug labay sa basura ug aron kalikayan ang sunburn, makatabang ang magbutang sunscreen lotion, pagsul-ob og gwantis ug pagdala og trekking poles o sungkod.



Dili mamahimong kompleto ang imong Asturias Experience kung dili nimo matilawan ang ilang Asturias Whole Fruit Coffee (nga anaa ra mapalit sa St.Anthony Beach Resort).

Ang Asturias coffee lami ipares sa bingka dawa ug nagkantidad sa mosunod: Php 100 matag 250 gramo ug Php 400 matag 1000 gramos.

Sa maong resort usab nimo masaksihan ang maanindot nga talan-awon sa pagsalup sa adlaw sa kasadpang bahin sa Sugbo.

ROOM RATES

Sa mga interesado nga mokuka og room accommodation sa Saint Anthony Beach Resort nga nahimutang sa Barangay Tubigagmanok, Asturias ania ang mga room rates.

1. Standard (P1,200)

-Good for 2 Pax

-Aircon, 1 Double Bed

-Free Breakfast for 2

2. Family (P1800)

-Good for 3 Pax

-Aircon

-1 Double Bed

1 Single Bed

-Free Breakfast for 3

3. Barkada (P3000)

-Good for 6 Pax

-Aircon

-3 Double Decks

Free Breakfast for 6

*Extra Person

P250/pax with breakfast

Alang sa bookings/reservations/inquiries, mamahimong mo message sa ilang Facebook page o pag-contact sa 09216837853 o email sa stanthonybeachresort@gmail.com.

Ayawg sipyata sa pagsuway, siguradong dili ka magmahay. / Ubang hulagway kuha nila ni Leylan Romarate ug Christine Despares



CONTRIBUTOR

Jesson Morata, lumad nga Oponganon, Marketing and Communications Specialist sa Visayas ug Mindanao, sa usa sa mga BPO’s dinhi sa Sugbo, kanhi kontributor sa Hirit Opinion Section, Superbalita Cebu ug mahiligon sa biking, motorcycle rides, trekking ug running.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph