Dear Papa Joe,
Tawga lang ko sa ngan nga Marjorie, 27 years old. Kining akong suliran di ni kabahin sa gugma, kon di kabahin sa trabaho. Kining akong manager hawod nalang gyud makapangasaba nako.
Usa diay ko ka bisor pero gusto niya tanan perfect. Ok ra ta mangasaba nga kanang sayop nato, pero ang sayop sa uban nga di kaya sa ilang abilidad, ari nako ihan-ok ngan kuwang nalang akoy patrabahuon. Kon atong rasonan, buhaton tang bakakon. Kon wala palay pandemya lamiang iundang kay insulto naman gud iya diri nako. Unsa kahay angay nakong buhaton? Palihug tambagi ko.
MARJ
Marj,
Antos lang gyud ka kay sila may amo. Gusto nila as much as possible walay sayop. Tinuod, di maayo madala ka sa garbo ug moundang. Importante ang trabaho ron.
Buhata lang gyud kon unsay sakto kay mao man nay gibayran natong mga trabahante. Ang importante sad kanang di ka personalon kay kon personal na, lahi nana nga istorya. Kon di na gani sakto ang pagduma, aw naa may ahensya sa labor.
PAPA JOE
(sa inyong tampo ipadala lang sa papajoesuperb@gmail.com)