SUPERBALITA CEBU

Laing konsehal sa Lapu-Lapu namatay

Nakuhaan na sab og laing sakop ang Konseho sa Dakbayan sa Lapu-Lapu human si Konsehal Jose Dungog namatay alas 12:30 kagahapon sa kadlawon, Mayo 6, sa iya ra usab nga pinuy-anan sa Brgy. Gun-ob.

Siya 63-anyos.

Matod sa iyang asawa nga si Angelina nga liver cancer ang namatyan sa iyang bana.

Na-admit kini sa usa ka pribadong tambalanan niadtong Pebrero 12 human nga mireklamong sakit ang hawak ug poypoy ang iyang kalawasan.

Didto na nahibaw-an nga adunay deperensya ang iyang liver ug giingnan nga posibleng aduna na lang siyay tulo ngadto sa unom ka buwan nga mabuhi.

Sa tuyo nga masalbar unta ang iyang bana, nisuway sila og second opinion ug gitagaan ug tambal nga ipa maintain hinungdan nga naulian na unta ug

padayong mitambong sa session sa konseho.

Apan duha ka semana ang milabay, kalit na usab nga nibalik pagkaluya si Dungog hinungdan nga naghigda na lang sa ilang pinuy-anan ug giturokan og pain reliever gumikan sa gibating kasakit sa lawas.

Matod ni Angeline nga ang iyang bana na usab ang midesisyon nga dili na lang magpadala sa tambalanan.

“Wala man gud ni siyay annual medical checkup mao wala dayon mabantayi ang iyang mga gipamati,” matod ni Angelina.

Plano karon sa pamilya nga sa Mayo 15 ilubong si Dungog sa Mactan Memorial Gardens.

Si Dungog maoy ikaduhang konsehal sa dakbayan nga mitaliwan karong tuiga human ni Konsehal Marcial Ycong niadtong Pebrero. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph