SUPERBALITA CEBU

Garcia nangayog dispensa labot sa kalendaryo

Nangayo og dispensa si Cebu City Councilor Raymond Alvin Garcia ngadto sa mga individual kinsa wa makauyon sa gidak-on sa Three O’Clock prayer sa kalendaryo nga nikatap karon sa online.

Adunay hulagway ni Garcia uban sa iyang mensahe isip local nga magbabalaod nga adunay logo sa Cebu City ug sa ubos niini anaa ang panagway ni Jesus uban sa Pag-ampo sa Alas Tres sa Kahapunon.

“Manghinaot ko nga sa kanunay ang Balaang Batang Jesus mag-amping ug manalipod kanato sa tanang panahon,” ang mensahe ni Garcia.

Apan adunay mga nisaway sanglit mas dako ang hulagway sa konsehal kinsa maoy majority floor leader sa City Council, itandi sa Ginuo.

Si Garcia nipasabot nga dili siya ang nagpahimo sa kalendaryo. Ang nagpahimo usa sa iyang mga higala ug iya na lang nakita sa internet.

Matod pa sa anak ni kanhi mayor Alvin Garcia nga bisan unsa pay buhaton sa administrasyon ni Mayor Edgardo Labella, ang mga kritiko kinsa gustong modaot sa ilang grupo, kanunay magpapansin.

Ang majority floor leader niingon nga niadto pang Disyembre 2020 gipanghatag ang kalendaryo ug nakasabot usab siya nganong gihimo kining isyu sanglit usa nalang ka tuig, eleksyon na.

Si Garcia wa pay kompirmasyon o denial sa hungihong nga siya magpapili pagka-kongresista sa Cebu City north district human mabakante (apan adunay caretaker) dihang nitaliwan si Kongresista Raul Del Mar sa miaging tuig. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph