SUPERBALITA CEBU

Operation tuli gidili

Padayong pisot ang mga bata nga buot magpatuli human ang Cebu City Emergency Operations Center (EOC) wala motugot sa pagpahigayon og operation tuli sa dakbayan sa Sugbo nga naandan sa panahon sa summer.

Si Cebu City Councilor Joel Garganera, EOC deputy chief implementer, nagkanayon nga lisod pa gihapon sa pagsunod sa health protocol atol sa pagpahigayon og dinaghan nga pagpangtuli.

Matod ni Garganera, kadaghanan sa mga bata motitabaw sa paghilak atol sa operasyon tungdo sa kahadlok nga moresulta sa pagkatag sa luha sa dapit nga posible dunay kagaw ug virus.

Gikutlo niya ang mga pagtuon nga kon ang tawo mosinggit, dunay droplets o laway nga motuasik hangtod sa unom ka tiil ug mas layo pa.

Dugang niya nga lisod usab ang paghimo sa pagpangtuli kon ang medical personnel nakasul-ob og full personal protective equipment (PPE).

Si Garganera niluwat niini nga pamahayag tungod sa daghang nadawat nga hangyo sa nagkalainlaing grupo nga naghangyo sa EOC nga tugotan sa pagpahigayon og operation tuli.

“So here’s our answer, we are not (allowing them), Cebu City EOC is not allowing operation ‘tuli,’ bawal na because for one, it’s not essential,” matod Garganera.

“Let’s skip lang sa niana,” dason niya.

Apan ang pamahayag ni Garganera wala magtumbok bahin sa tuli sa pribadong klinika o ospital. (JJL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph