Dear Noy Kulas,
Just call me Roque, 25 years old. Usa ko ka avid reader sa imong column.
Mao kini ang akong problema. pag graduate nako sa college, diha nako nasuta nga sayop ang akong middle name sa PSA (birth certificate). Pag file nako sa PRC, wala ko ka proceed kay pag-check nila sa akong documents, giingnan ko nila nga major error daw ang akoang case mao wala na lang ko makapadayon og file para board exam.
Naa ko nadunggan, Noy, nga naa daw motabang ana para dili dako og gasto ang pag-solve ani nga problem sa ngan sa PSA/NSO. Asa sad mi una moduol ana, Noy? Usahay, maguol ko mag huna-huna sa akong kahimtang kay ang akong mga kauban nahimo na silang police samtang ako naghuwat kanus-a matarong ang akong ngalan.Nagdagan ang panahon ug nagkadako ang akong edad. Hinaot unta nga imo kong matabangan sa akong problema, Noy Kulas.
Daghang salamat and keep safe.
ROQUE
Roque,
Ayaw pagpanglakaw sa unsay proseso nga gilatid sa balaud ubos sa Republic Act 9048 kay di man na simple lang nga sayop sa imong birth certificate. Niana, kinahanglan kang modangop og abogado aron maoy mo-file og petition sa korte.
Kon makamatuod kang indigent ka kay wa kay trabaho, suwayi og duol ang Public Attorney’s Office (PAO) sa inyong dapit kon duna ba silay matabang o makalibre ba sa legal fees aron ang imo na lang atubangon ang galastuhan sa korte.
Kon sa abogado, suwayi og hangyo kon pwede ka bang magdata-data. Kon gustuhon gyud nimo nga mahimo kang pulis, mangita kag paagi. Action ang imong gikinahanglan ubanan sa pag-ampo.
NOY KULAS
rojval69@yahoo.com