SUPERBALITA CEBU

Pintor, welder nasikop

PINTOR ug welder ang nasikop sa mga awtoridad atol sa managlahing anti-illegal drug operation o buy-bust sa dakbayan sa Ormoc.

Giila sa kapulisan ang mga nadakpan nga sila si Giovannie Pilapil, 26, dunay kapuyo, welder ug Ireneo Banzon Jr., 35, taga Barangay Can-adieng.

Una nga nasikop si Giovannie, sa Sitio Greenfield, Barangay San Isidro niadtong Biyernes, Mayo 7.

Napalitan kini og usa ka pakete sa gituohang shabu ug nakuhaan sa iyang posesyon og laing usa ka pakete sa gituohang shabu ug salapi lakip na ang buy-bust money.

Gihimakak niini nga iya ang nakuhang shabu.

Kagahapon, Mayo 8, pasado alas 4 sa hapon, nasikop usab sa Barangay Macabug si Banzon.

Napalitan kini og usa ka pakete sa gituohang shabu ug nakuha sa iyang posiyon ang laing lima ka pakete sa gituohang shabu ug marked money.

Base sa report sa kapulisan, taudtaod na sila nakadawat og report bahin sa ilegal nga mga kalihukan sa duha busa ila kining gipaubos sa surveillance.

Gidala sa kustodiya sa Police Station 1 ug 3 ang duha ka suspek ug gipasakaan og kasong kalapasan sa Republic Act 9165. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph