SUPERBALITA CEBU

Daclan: Happy Mother’s Day!

Ayg saba!

HAPPY Mother’s Day sa tanang mga inahan karon, mga mama, mader, mudra, nanay lakip na sa mga amahan nga nagpaka-nanay Happy Mother’s Day!

Atol ining panahona, tagaan nato og dakong pasalamat, pahalipay, pag-amoma, pagtagad ug pagmahal ang atong mga inahan.

Mao sab kini ang panahon nga may mga programa, gimik ug pelikula nga atong gi-offer ngadto kanila.

Sama sa naandan, ang Regal films may ihatod usab kanato nga pang-mother’s day nga salida diin gawas nga molingaw kanato makahatag usab og mga pagtulon-an para sa mga inahan ug anak.

“Mommy Issues” gikan sa Regal films ug streaming na kini online, ang mga bida dinhi sila si Sue Ramirez ug Pokwang kauban usab silang Gloria Diaz, Jerome Ponce ug Ryan Bang.

Dili man gyud na malikayan nga may mga away-away, di magkasinabtanay ug magkalalis ang inahan ug anak dinhi sa maong pelikula mao kini atong makita.

Pero sa trailer nga akong nalantawan, ila ning gihatagan og komedya nga approach mao nga mas malingaw ka niini ug makatawa ka sa mga isyu sa inahan ug anak.

Pareho usab sa isyu nga ang inahan ni Sue Ramirez nga si Chit Dodd nga papaulion na niya ang iyang anak.

Sa tinuod lang usa ka bonggang mensahe ang gipabuhagay sa inahan atol sa usa ka interbyu para sa iyang anak nga si Sue Ramirez.

Matod pa niini nga buhaton sa iyang anak ang tanan niyang mahimo para sa iyang career ug kon dili gihapon kini mag-malampuson pwede kini nga mouli balik kanila sa Amerika.

Sa pagkadungog sa mensahe sa iyang inahan, wala kapugngi ni Sue ang iyang gibati ug emosyonal kining mihilak ug mipasalamat sa iyang inahan.

Pero para nako sa akong nakita lang, maayo ang dagan sa career ni Sue dili gyud kini mawad-an og proyekto ug may mga napamatud-an ug ikapasigarbo na kini kon career lang ang hisgutan.

Basta sa karon ang mother’s day special nga “Mommy Issues” sa Regal Entertainment Inc. sinuwat ug sa direksyon sa multi-awarded nga veteran director Jose Javier Reyes, dili nato sipyaton uban ni Sue Ramirez ug Pokwang, Ay’g Saba!

* * *

Laing bongga usab kaayo ang career karon mao si Kim Molina sobra-sobra usab ang blessing ang nadawat niini.

Dili sab gyud kini maserohan og proyekto unsaon grabe sab ang gipakitang talento niini mapa-hosting, kantahan ug aktingan wala gyud kini sibugan.

Kon nalingaw mo kang Kim Molina sa “Jowable” nga pelikula niya, mas pa gyud ang inyong bation sa bag-o ining movie nga “Ang Babaeng Walang Pakiramdam” gikan sa Viva films ug ka-partner niini ang real life boyfriend nga si Jerald Napoles ug sa direksyon ni Darryl Yap, Ay’g Saba!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph