SUPERBALITA CEBU

Nalzaro: Happy Mother’s Day

Saksi

Matag ikaduhang Dominggo sa Mayo, atong gisaulog ang Mother’s Day. Kini pagpasidungog sa atong mga inahan nga mihatag og dakong sakripisyo sa pagbuhi ug pagmatuto sa iyang mga anak.

Diin man gyud opisyal nga nagsugod kining Mother’s Day? Nagsugod kini niadtong 1900 isip resulta sa paningkamot ni Anna Jarvis, anak ni Ann Reeves Jarvis. Human mamatay ang iyang inahan niadtong 1905 sa Grafton, West Virginia, si Anna nakahuna-huna paghatag og pasidungog sa iyang inahan gumikan sa mga sakripisyo nga gihimo niini alang sa iyang mga anak.

Sa misunod nga katuigan, naningkamot gyud si Anna nga opisyal kining ma-recognized sa kagamhanan sa Estados Unidos human daghan nga States nga nisagop usab niini. Hangtod nga niadtong 1914, si US President Woodrow Wilson mipirma og proclamation nga naghimo sa Mother’s Day nga usa ka official holiday matag ikaduhang Dominggo sa buwan sa Mayo.

Gibutang ni Anna Jarvis sa iyang kalendaryo diin kining maong adlaw gitagana gyud sa mga inahan aron sila pasalamatan gumikan sa ilang gihimong pag-amuma sa ilang mga anak. Kay lagi ang inahan gitawag man nga ‘suga sa panimalay’ ug ‘Inahan sa Kanunay’ng Panabang’ isip halad ug pasidungog usab kang Birhen Maria nga mao ang inahan sa atong Manunubos nga si Hesu Kristo.

Gawas sa iyang pagka-inahan, si Anna Jarvis sa buhi pa, misebersyo usab isip tig-atiman sa samaran nga mga sundalo sa Estados Unidos atol sa civil war ug iya usab nga gitukod ang ‘Mothers’ Friendship Day’ diin ang tumong mao ang panaghiusa ug pagpakigsuod sa mga inahan d sa Amerika. Hangtod nga kining maong adlaw, gisagop usab sa ubang kanasuran apil na kita dinhi sa Pilipinas labi pa kay nadumala ug nasakop kita sa Amerika sulod sa pipila ka katuigan sa wala pa kita hatagi sa atong kagawasan.

Pero ang pagsaulog ning maong adlaw mas naglabi ang commercialization o negosyo kay sa tradisyon ug kultura. Aw, hinuon, mas mabulukon ug sadya man ang okasyon o selebrasyon basta naay commercialization. Tan-awa ang mga shopping malls o mga commercial establishments, di ba puro Mother’s Day sale. Malingaw ang pamilya. Happy Mother’s Day. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph