SUPERBALITA CEBU

Gwen hugot mibarog sa EO bahin sa OFWs, ROF

Cebu Governor Gwendolyn Garcia. (File photo)

HUGOT ang baruganan ni Cebu Governor Gwendolyn Garcia labot sa mga lagda nga angay subayon sa mga Sugboanon nga gikan sa laing nasud ug mopauli sa probinsya bisan sa bag-ong giaprubahan nga lagda sa Inter-Agency Task Force (IATF) labot sa mga mopauli nga mga Pilipino sa mga kalungsoran.

Gipahibalo sa Department of Health (DOH) sa kaulohan nga giaprubahan ang lagda nga kinahanglan nga mopaubos una sa pito ka adlaw nga quarantine ang mga mopauli sa dili pa kini kuhaan og swab test.

Matod ni Health Undersecretary Maria Rosario Vergeire nga kon negatibo ang resulta human sa pito ka adlaw nga kwarantina, gimando usab sa IATF ang dugang pito ka adlaw nga pag-quarantine sa lokal nga kagamhanan niini aron ma kompleto ang 14 ka adlaw nga isolation.

Apan ang maong paagi una na nga wa mauyoni ni Garcia tungod sa kahasol ug ingon man gastoso nga paagi alang sa mga mopauli.

Sa lagda nga giluwatan sa gobernador nga nalatid sa Executive Order (EO) No. 17 ipaubos dayon sa swab test ang mga Overseas Filipino Worker (OFW) ug Returning Overseas Filipino (ROF) sa ilang pag-abot sa Sugbo sa Mactan Cebu International Airport (MCIA).

Samtang naghuwat sa resulta, dad-on una sila sa hotel diin sila naka-book. Kon negatibo, makauli ra dayon kini.

Tumong sa gobernador nga di mabug-atan ang mga nibakasyon ug duna usab kini igong panahon nga makauban sa pamilya.

Sa maong paagi, mas mogamay usab ang gastohanan sa kagamhanan.

Una na nga gipahibalo ni Garcia nga angay respetohon ang Section 5 sa Local Government Code nga naghatag og gahom sa local government units (LGUs) sa pagdumala ug pagdesisyon sa iyang lokalidad atol sa emerhensya. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph