Lolo milugos sa 11 anyos

KINATAWO sa 63 anyos nga lolo ‘nalukot’ hinungdan nga nasakpan dihang gilugos niya ang 11 anyos nga pag-umangkon sa Barangay Tangke, dakbayan sa Naga niadtong Biyernes, Mayo 7, sa alas 3:00 sa hapon.

Ang biktima nga si ‘Julia’ (dili tinuod ngan), 11, grade 2 sa tunghaan sa nahisgutang lugar, giubanan sa iyang inahan nga nisumbong sa kapulisan.

Nunot niini, gidakop si ‘Jose’ (ngan gipugngan usab ning mantalaan), 63, biyudo, mag-uuma, ug uyoan sa biktima nga nagpuyo sa nahisgutang lugar.

Ang inahan niasoy sa kapulisan nga nasakpan sa maguwang nga menor de edad usab ang gihimo sa ilang uyoan ngadto sa iyang igsuon.

Si Police Staff Sgt. Organe Lungtad sa Naga Police Station nga nahinabi sa SunStar Superbalita Cebu nagkanayon nga niangkon ang suspek sa krimen ug nitug-an kini nga natintal sa kauhaw sa lawasnon nga kalipay.

Sumala pa niini nga gihidlaw siya og sex dihang mabiyudo human namatay iyang asawa niadtong Enero ning tuiga.

Ang bata dalhon niya sa iyang payag, iyang nasuod kay pirme niya hatagan og pagkaon ug kuwarta.

Sa wala pa ang krimen, iyang gipakaon ang bata human gitagaan niya og P20.

Ang bata, kinsa dunay gamay nga deperensiya, iyang nahilabtan.

Sa imbestigasyon sa kapulisan, niangkon ang lolo nga daling malumoy ang iyang kinatawo ug malukot hinungdan nga nadugay ug naabtan sa igsuon sa biktima.

Wala siya moinom og bino niadtong higayuna kay, matod pa, gihidlaw na kaayo sa sex.

Giklaro niya nga una kadto niyang higayon nga gihilabtan ang bata.

Apan, matod sa suspek, wala lang niya matiwas human mokalit lang sa kupos ug nalukot ang iyaha.

Matod ni Lungtad, ang biktima gipahiling na sa Pink Room sa Vicente Sotto Memorial Medical Center (VSMMC) alang unya sa pagpasaka og kasong rape.

Ang suspek kasamtangang gitanggong sa Naga Police Station samtang nagpaabot sa pagpasaka sa kaso.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph