VisMin Cup finals: Chooks-to-Go mohatag og laing P500,000 alang sa makampiyon karong gabii

ALCANTARA, Cebu -- Aron paghatag og dugang kaikag sa Game Three sa 2021 Pilipinas VisMin Super Cup Visayas finals tali sa MJAS Zenith-Talisay Aquastars ug KCS Computer Specialists-Mandaue City, ang Chooks-to-Go nigahin og linain nga P500,000 alang sa makalabni sa titulo karong gabii, Dominggo, Mayo 9, 2021, diri sa Alcantara Civic Center.

Ang duwa sugdan sa alas 6 ang takna sa gabii ug makita kini live sa official Facebook pages sa Chooks-to-Go Pilipinas ug sa Pilipinas VisMin Super Cup ug sa Solar Sports.

Sa interview as Tiebreakers Times, ang tag-iya sa Chooks-to-Go nga si Ronald Mascarinas nagkanayon taliwala sa nga kontrobersiya nga naagi-an sa maong bag-ong lega nakalingkawas ra gihapon kini pinaagi sa paglusad og istriktong mga lagda aron malikayan ang mga illegal activities sa torneyo.

“Despite the controversy the league faced in its early stages, Pilipinas VisMin Super Cup was able to redeem itself by enforcing stricter rules to combat illegal activities while raising the quality of the games," matod ni Mascarinas.

Iyang gipasabot nga ang mga magduduwa ilabi na sa MJAZ-Talisay ug sa KCS-Mandaue nagsakripisyo og usa ka buwan nga halayo sa ilang pamilya sulod sa bubble aron lang pag-entertain sa publiko, ug angayan lang nga hatagan sila og pahalipay.

Ang runner-up, dugang ni Mascarinas, nga aduna usay madawat nga P100,00.

Gibutyag ni Mascarinas nga kining maong ganti wala ni labot sa ilang bayad isip main sponsor sa unang conferene ning bag-ong professional league. (JBM)