SUPERBALITA DAVAO

Clearing operation gilusad sa MDRRMO

b10f-magsaysay2

MAGSAYSAY, Davao del Sur -- Mihimo na og clearing operation ang mga sakop sa Municipal Disaster Risk Reduction and Management Office (MDRRMO) human pipila ka mga kahoy ang natumba sa duha ka mga balay sa duha ka lugar niadtong Biyernes, Mayo 7, 2021.

Suwerteng way kinabuhing nakalas o naangol human nahagsa ang dakong sanga sa punoan sa Kaymito ngadto sa balay nga gipanag-iyahan ni Faustino Awe sa Barangay San Miguel.

Sa taho sa MDRRMO, nasayran nga kalit mihuros ang kusog kaayong hangin dungan sa pagbundak sa kusog nga uwan pasado ala 1 sa hapon sa maong adlaw.

Usa ka balay sab sa Balwit Compund sa Barangay Kasuga ang natumbahan og punoan sa lubi, apan maayo na lang kay wa maunsa ang tag-iya niini.

Nagpahimangno na ang MDRRMO sa mga residente sa barangay nga adunay mga punoan sa kahoy tungod sa ilang balay nga makig-alayon sa ilang mga opisyal aron ipailawom sa clearing operation.

Giabisohan ang mga residente sa lugar nga mag-igmat kanunay sa takna nga daut ang panahon aron malikay sa disgrasya.

Sa taho sa Philippine Atmospheric Geophysical and Astronomical Services Administration, giklaro nga way gilaumang bagyo sa Philippine Area of Responsibility, apan ang Inter-tropical Convergence Zone maoy nakaapekto sa dakong bahin Mindanao. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph