NAGTINGUHA ang San Miguel Beermen nga makabaton pagbalik og grandslam title sa umaabot nga 46th season sa Philippine Basketball Association (PBA).
Dili halayo ang posibilidad nga mahitabo kini gumikan kay manugbalik na ang Sugboanong higante nga si JuneMar Fajardo unya nadugang pa gyud sa daan nang lig-on nga puwersa sa Beermen ang kanhi No.1 rookie pick nga si CJ Perez.
Hinuon giangkon ni Beermen coach Leo Austria nga dili sayon kining maong tahas.
“It’s hard to tell dahil maraming beses na kaming nag-try and ganun din kalakas yung mga lineup, pero hindi nangyari yun,” matod ni Austria sa interbyu sa Power & Play program ni kanhi PBA commissioner Noli Eala.
“We’re thinking one game at a time... Kung sa amin yan, kung talagang ibibigay sa amin yan, mangyayari yan.”
Ang Beermen katapusang nakabira sa talagsaong grandslam title niadto pang 1989 sa pagpangulo nila ni Hector Calma, Yves Dignadice, Samboy Lim, Elmer Reyes ug Ramon Fernandez.
Alang sa Beermen, si Perez, kinsa maoy 2019 2019 PBA Rookie of the Year awardee, maoy nakakompleto sa ilang gihandom nga puwersa nga maghatag kanila og laing grandslam title.
“Maganda yung pagdating niya dahil yung kanyang energy ay kakaiba. And alam natin na he wants to win a championship, so wala kang makikita na magre-relax yung bata na ito,” pasabot ni Austria. “At yung hinahanap ng team na magpo-provide ng malaking tulong, makikita natin kay CJ.” (ESL)