ANG Reception and Study Center for Children sa Department of Social Welfare and Development Field Office 7 sa Camomot Franza Road, Katipunan St., Labangon, Dakbayan sa Sugbo nanawagan sa publiko sa pagtultol sa mga ginikanan ug kabanay sa mga bata nga ubos sa ilang pag-atiman.
1. Batang babaye nga gihatagan og pangalan Mary Dahlia Maningo ni Joahnna Grace Dinopol, Social Worker sa MSWDO Carmen, Cebu. Kining bataa gibanabana nga bag-ong natawo ug nakit-an kini ni Mrs. Carmela Jayson niadtong Enero 12, 2021 gibana-bana sa alas 2:30 sa kaadlawon didto sa kilid sa ilang panimalay sa Purok Lapu-Lapu, Barangay Luyang, Carmen, Cebu.
2. Batang lalake nga gihatagan og pangalan Xavier Revilla ni Junrell Revilla, kinsang nakakita sa bata. Kining bataa gibanabana nga bag-ong natawo ug nakit-an niadtong December 24, 2020 ug gibanabana sa alas 11:00 sa buntag didto duol sa labayanan og basura sa Barangay Bahay, Sibonga, Cebu.
3. Batang lalake nga gihatagan og pangalan Lucas Fernando ni Fr. Lucas Inoc. Kining bataa gibanabana nga bag-ong natawo ug nakit-an kini ni Jovanni Cañada Verallo niadtong Enero 10, 2021 ug gibanabana sa alas 6:00 sa buntag didto sa gawas sa Convento sa San Fernando El Rey Parish Church, Poblacion, Liloan, Cebu.
4. Batang lalake nga gihatagan og pangalan Clark Arjay Geralde ni Rowena Lumain, BPSO sa Barangay Sambag II, Cebu City. Kining bataa gibanabana nga bag-ong natawo ug nakit-an ni PSSg. Marlon Maningos ug PC Margarito Fagarin nga bag-ong gihimugso sa usa ka wala mailhing babaye, samtang sila nagpatrolya kaniadtong Disyembre 22, 2020, gibana-bana sa alas 9:00 sa gabii didto tungud sa Bank of Commerce, B. Rodriguez St., Cebu City, Cebu.
Kon mapakyas ang mga ginikanan ug kabanay sa pagtunga o pagpakita aron pagkuha sa bata sulod sa usa ka buwan gikan ning pagmantala, ang bata ipaubos sa administrative abandonment sa DSWD Central Office.
Mahimong makigkita sa social workers nga sila Roselyn A. Bandibas ug Roselyn A. Bandibas sa buhatan sa DSWD 7 sa Camomot Franza Road, Katipunan St., Labangon, Dakbayan sa Sugbo. Telepono 505-4466. (PR)