Dear Papa Joe,
Ako diay si Analyn, taga Carcar, Cebu. Naa koy package naabot gikan og Syria. Naa na karon sa Manila Custom. Akong pangutana is akoa ba nang obligation mobayad sa service fee worth of P25,000? Di ba ni scam?
Kwarta ang sulod sa package, Papa Joe. Sige na og follow up nako ang foreigner kon nakuha na ba nako ang package. Apan akong uncle dili jud motuo kay wala daw kwarta i-package kay bank to bank daw na. Pero niingon ang foreigner nga walay banko sa Syria. Gipadala niya through agent.
Usa diay siya ka US military Papa Joe nga na-assign sa Syria. Mo-retire ni siya karong Agusto ug moari sa Pilipinas.
ANALYN
Analyn,
Dako na tsansa nga scam na kay di ka kapatakag padala og package nga ang sud kwarta kay naa na sa balaud. Kon wa ko masayop, na-fall na siya sa money laundering. Pwede man niya i bank to bank or money transfer.
Mahug ka sa laang ana kay mapugos ka og huwam o pagawas og kwarta bugti daw sa gipada. Naa dayon motawag nimo nga taga Customs daw unya didto na, mawagtang na kwarta nimo. Kasagaran ana nga scam kay gadget ug alahas man. Karon kwarta nasad. Ayaw pailad, Day.
PAPA JOE
(sa inyong tampo ipadala lang sa papajoesuperb@gmail.com)