SUPERBALITA CEBU

Cebu City Hall nagbansay og barangay first responders

(Hulagway gikan sa FB page ni Ramil Ayuman)

NAGBANSAY ang Cebu City Disaster Risk Reduction and Management Office (CCDRMO) og mga barangay first responder aron maoy unang motubag kon dunay mga emerhensya sama sa mga aksidente sa kadalanan.

Sa pagkakaron, naa na sa 270 ka first responders ang nabansay sa CCDRMO, matod ni city disaster chief Ramil Ayuman.

Matod ni Ayuman nga tumong niini mao ang pagpalig-on sa komunikasyon ug pagtubag og mga emerhensya.

Ang barangay-based first responders maoy unang moatiman sa mga tawo nga nanginahanglan og medical nga pagtagad samtang magpadulong pa ang ambulansya nga nagtubag sa alarma.

Ila karon nga giuna ang mountain barangays aron mas dali nga matubag ang ilang panginahanglan.

“Gi-prioritize nato ang mountain barangays. We have now trained Batch 7 of the barangay based responders. Moabot na sa 270 ang atong nahuman og train, with 10 ka tawo matag barangay,” nagkanayon si Ayuman.

Si Mayor Edgardo Labella niingon nga pinaagi sa gibuhat sa CDRRMO, matapakan sa Siyudad ang panginahanglan sa dinaliang pagtubag sa mga aksidente, labina sa Transcentral Highway (TCH).

“Luoy kaayo ang atong mga constituents sa kabukirang bahin sa siyudad nga dili dayon matabang tungod kay mogikan pa sa patag ang ambulansya,” nagkanayon si Labella.

Matod sa mayor nga sa miaging tuig pa nagpahimutang si Ayuman og mga ambulansya sa upat ka strategic nga mga lugar sa mountain barangays.

Naa kini sa mga Barangay Guba, Taptap, Sudlon 1 ug Cambinocot.

Plano sa Siyudad nga butangan usab og ambulansya ang Sityo Upper sa Busay aron mas makatubag ang Siyudad og disgrasya sa TCH.

“This so they can cater to immediate needs kon dunay medical emergency nga mahitabo, samtang nagpaingon pa ang pinakaduol nga ambulansya," matod ni Ayuman sa Superbalita Cebu.

Padayon sab kitang naninguha nga ma-address ang uban pang emergency response needs sa mga Sugbuanon, ilabina sa atong mountain barangays,” matod ni Labella sa iyang Facebook post. (REV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph