SUPERBALITA CEBU

Dalaga miambak sa Marcelo Fernan bridge; Maritime Group miluwas

GILUWAS: Ang 28 anyos nga babaye giluwas sa kapulisan uban sa pipila ka mananagat sa dapit. (Gikan sa Maritime Police)

Daling giluwas sa Philippine National Police Maritime Group 7 ang usa ka 28 anyos nga dalaga nga niambak sa Marcelo Fernan Bridge sa Lunes sa alas 6:47 sa buntag, Mayo 10, 2021.

Si Police Executive Master Sergeant Noel Rogelio Avenido sa interbyu sa Superbalita Cebu, niingon nga nakita sa closed circuit television (CCTV) camera ang dalaga nga naglakaw lang.

Pag-abot sa tunga tunga sa taytayan, kalit kining niambak.

“Sa CCTV galakaw ra na siya unya diretso og ambak,” asoy ni Avenido.

Matod niya ila pang nadungog ang lugapak sa pagtugpa sa dalaga sa tubig.

Duna may usa ka mananagat nga namasol sa ilawom sa bridge, ila kining gihangyo nga unang moresponde kay ila pang giandam ang ilang rubber boat.

Pag abot nila, ilang gibalhin ang dalaga sa ilang rubber boat kay gamay ra ang bangka.

Matod ni Avenido nga ang dalaga taga Barangay Bangkal, Dakbayan sa Lapu-Lapu.

Nagsul-ob kini og puti nga t shirt ug tattered maong pants.

Wa sila masayod unsay hinungdan sa pag-ambak sa dalaga sa taytayan.

Matod ni Avenido nga conscious ang dalaga sa ilang pagdala sa baybayon.

“Amo siyang giingnan nga okay ra ka, luwas na ka,” matod ni Avenido.

Sila si Avenido daling nakapanawag og assistance alang sa ambulansya sa Lapu-Lapu City Disaster Risk Reduction and Management Office nga nisugat usab dayon sa baybayon.

Gidala ang dalaga ngadto sa Lapu-Lapu City Hospital alang sa paghiling.

Gawas kang Avenido, apil sa ningluwas sila si Police Staff Sergeant Oscarito Matbagon, Police Corporal Ricky Abellar ug sibilyan nga si Dondon Fernandez. (REV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph