21 ex-NPA sa distrito sa Paquibato mitahan sa DCPO

BAYNTE uno ka mga kanhi miyembro sa rebeldeng New People's Army (NPA) ang nibalik sa sabakan sa balaod ug gipresenta atol sa seremonya nga gihimo kagahapon didto sa Malabog Gym, BarangaY Malabog, Paquibato District, Davao City.

Sa report sa Davao City Police Office (DCPO), ang Paquibato Police Station maoy mihan-ay sa programa diin ang 21 ka mga surrenderers pulos naay pending warrant of arrest.

Giingon nga kanhi sila tigsuporta sa NPA ubos sa Milisyang Bayan, usa ka underground mass organization nga naglihok sa Paquibato District, Davao City.

Nahimong malampuson ang pagtahan sa mga nahisgutan pinaagi sa kakugi sa Davao City police nga gipangunahan ni DCPO Director Kirby John Kraft, uban nila Paquibato PNP station commander Major Marvin Hugos, kasundalohan, Peace 911 Legal officer, Datu Boyson Anib–IPS representative, ug sa mga kapitan sa Paquibato District.

Usa sa 21 nga mitahan, si alyas Joey, nagpasalamat sa gobyerno ug suma pa, usa ka kini ka kahigayonan nga dili na siya magtago-tago ug malimpyo na iyang ngalan ug manginabuhing normal. (Jeepy P. Compio/DCPO)