18 nasikop sa tigbakay sa Lapu-Lapu

DILI mominos 18 ka sugarol ang nasikop sa sunodsunod nga operasyon sa kapulisan batok sa tigbakay sa dakbayan sa Lapu-Lapu niadtong Dominggo, Mayo 9.

Unang nilusad og operasyon ang Police Station 5 sa Lapu-Lapu City Police Office (LCPO) sa alas 11:15 sa buntag diin 6 ka indibiduwal ang nasikop sa Seaside, Barangay Pusok.

Ang nasikop sila si Marceleto Dela Torre, 34, molupyo sa lungsod sa Consolacion; John Cadivida, 22, taga Clarin, Bohol; Riselio Donaire, 48, taga Tudela, Camotes; Ricky Cualaquera, 36, taga Pilar, Camotes; Roy Albaraccin, 45, taga Argao; ug Dennis Besina, 41, taga Clarin, Bohol.

Nakuha sa ilang posisyon 2 ka manok igtatari nga may mga buwang ug P380 nga salaping pusta sa mga dinakpan matod ni Police Major Aibert Jay Samson ang hepe sa Police Station 5.

Dungan usab nga mipahigayon ug operasyon nila si Samson sa tigbakay ang Police Station 3 nga gipangulohan sa ilang hepe nga si Police Major Narciso Abapo nga miresulta usab sa pagkasikop sa 6 ka indibidwal sa may Zone Pansat 2, Brgy. Calawisan, Lapu-Lapu.

Naila ang mga dinakpan nga sila si Eric Umpad, 47-, taga Villeran, Leyte; Giovani Pahugot, 42, taga Zone Pansat, Calawisan; Patricio Pebida, 43, taga Toril, Brgy Canjulao; Nicaseo Berdon, 68, taga Zone Lambay, Calawisan; Concordio Dico, 66, taga Toril, Canjulao; ug Rodolfo Pahugot, 47, taga Zone Pansat, Calawisan.

Nakuha ang duha ka patayng manok igtatari ug P700 nga gituihang pusta sa mga dinakpan.

Laing 6 usab ka indibidwal ang nasikop sa Police Station 4 sa ilang operasyon batok “Tigbakay” pasado alas 4 sa hapon sa may Sitio Bunga, Brgy. Agus ug Airforce Village sa Brgy. Subabasbas.

Ang mga dinakpan nailhang sila si Richard Ponce, 45, taga Soong, Mactan; Ronald Tamsi, 44, taga Lupa, Pajac; Randy Sagarino, 37, taga Abuno, Pajac; Junrey Ompad, 33, taga Abuno, Pajac; ug Winclifford Rehas, 28, taga Airforce village, Subabasbas. (GCM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph