Bakuna’s tiguwang niarangkada

Hulagway kuha ni Mark Perandos
Hulagway kuha ni Mark Perandos

GIHIMO kagahapon, Mayo 11, ang unang adlaw sa vaccination batok Covid-19 alang sa mga senior citizens sa Davao City nga nalakip sa Priority Group A2.

Apil sa mabakunahan si Department of the Interior and Local Government (DILG)-Davao Director ug Covid-19-RIATF-Davao Chief Alex Roldan.

Si Roldan ang nanguna sa mga senior citizen nga bakunahan nga gihimo sa Southern Philippines Medical Center (SPMC) ug sa lain pang mga vaccination venue sa siyudad.

Target sa lokal nga panggamhanan sa Davao City nga mabakunahan ang kapin kon kulang 120,000 ka mga senior citizen sa dakbayan.

Ang magtiayong Decemar Adlawan, 61, usa ka aircon technician, ug asawa niyang si Bella, 65, ang unang midawat sa Covid-19 vaccines sa vaccination didto sa satellite vaccination center sa SM Lanang Premier sa Davao City.

Gawas sa SM Lanang Premier, gihimo sab ang pagbakuna sa Matina Aplaya Elementary School sa Talomo District.

Dungan niini, ang City Information Office (CIO) nagpahibalo nga dungan sa Priority Group A2, ang mga aktibong healthcare workers sa siyudad mamahimo sab nga dungan silang mabakunahan gamit ang Sinovac.

Ang Davao City Health Office nagdasig sa mga medical frontliners nga i-avail ang libre nga vaccination nga naka-eskedyul sa Buhangin Central Elementary School (BCES).

Ang mga lying-in ug birthing home staff, nars, midwives, nursing aides, ug caregivers nga nag-edad og 18-anyos pataas ang i-cater sa BCES.

Ang BCES mao say vaccination center sa tanang aktibong practicing medical ug allied health PRC ID-holder health care workers karong adlawa, Mayo 12.

Samtang sa University of Southeastern Philippines (Obrero Campus), ang Covid-19 vaccination first-come, first-served basis gikan alas 8 sa buntag ngadto alas 4 sa hapon Myerkules ug kini alang sa rehabilitation ug psychiatric facility staff uban ang mga jail ug detention center staff. (Uban sa taho sa CIO)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph