Malaumon ang kadagkuan sa Maharlika Pilipinas Basketball League (MPBL) nga masugdan nila ang ilang ikaupat nga season sa Hunyo 12, 2021 dungan sa kasaulogan sa Philippine Independence Day.
Apan giangkon ni Commissioner Kenneth Duremdes nga nagkagamay ang poruhan nga mahitabo kini gumikan kay hangtod karon, wala pa nakakuha og pagtugot ang liga gikan sa Inter-Agency Task Force for the Management of Emerging Infectious Diseases (IATF) aron makasugod na sa pag-ensayo ang ilang miyembrong teams nunot ning padayong hulga sa pandemya.
“There’s still hope for the league to open on June 12 but in my opinion, we may not be able to make it to the June 12 opening since the teams have yet to start their training and some teams do not have complete lineups yet,” asoy ni Duremdes nga napatik sa www.abs-cbnnews.com.
“And based on our experience last year during the (2020 Lakan Cup) championship, it took three months before the IATF issued us a clearance.”
Gibutyag ni Duremdes nga padayon silang nakigsabot sa task force aron paghan-ay sa tanang kinahanglanon aron makaseugod ang ilang teams sa pag-ensayo.
Sa kasamtangan, asoy sa Philippine Basketball Association (PBA) legend, aduna na’y 19 ka teams ang seguradong mopakita og aksyon sa sunod season.
“The initial talks with the IATF are just to begin with the training. However, some LGU facilities are being used as either vaccination or quarantine areas,” pasabot ni Duremdes.
“These are the challenges that we are facing right now. It’s beyond our control and we just hope that this pandemic ends so we can return to normal.” (ESL)