Dear Papa Joe,
TAWAGA lang ko sa ngalan nga Swabe, 35 years old na ang edad ug usa ka minyo. Mao lagi ni ang problema nako kay naminyo ko og maguwang pa nako pero adunahan. 55 anyos na siya ug napugos na lang ko og minyo ani niya kay guwang na sad ko ug wa ko masayud sa akong future. Pero di man sad ni siya kabinthaan kay sexy man ni siya nga pagkaedaran kay dato lagi. Pero ang naka problema karon kay naka relasyon ko, ug di lang ka relasyon lang, nauyab kadugo pa gyud nako.
Nakarelasyon man hinuon ko sa anak sa akong maguwang. Kahibawo ko nga sayop, pero ambot ba nga ikamatay man gyud nako kon magkabuwag mi. Kon magbuwag mi, siya sad di kabuwag nako. Mag 19 na siya ug mao ni nakahasol nako kay naa siya sa amo nagpuyo ug permi lang naay mahitabo namo. Mao ni akong suliran karon palihug tambagi ko.
SWABE
Swabe,
Pagka dakong eskandalo ana tawon imong gisudlan. Maguba gyud ang ugma ninyong duha ana nga kadugo ra man tawon mo ug sobra ka duol pa gyud.
Dong, kon akoy pasultihon nimo ana, mas maayo siguro nga undangon na nimo kay kon gugma man gani na di, ta mo ma-blame. Pero ang tinud-anay nga nahigugma, andam mo give way para di ni madaot.
Basin lang nabaghuan lang ka og batan-on mao nga maorag maglisud ka kay naa nad na ka. Ang kuyaw nimo ana kay kon mamabdos nang bataa, guba gyud ang kaugmaon ana. Kon ikaw, guba gyud ang pagkatawo nimo ana atubangan sa imong mga kadugo kay mangunay ka. Busa undanga nana samtang may panahon pa. Salamat.
PAPA JOE
(sa inyong tampo ipadala lang sa papajoesuperb@gmail.com)