Padayon nga giila sa mga awtoridad ang usa ka lalake nga nagduwa sa iyang kinatawo atubangan sa usa ka tindahan sa Purok 5, Barangay Linao, Ormoc City.
Bisan og nakuhaan og video, apan wala pa gihapon nailhan ang maong lalake nga nag t-shirt og puwa, naka pantalon ug nag-helmet og puti ug naka-mask.
Matod sa reklamanteng si Mary Rose Taneo, buot nila mailhan ang maong lalake kay di lalim ang makasinati sa maong hitabo.
“Maayo unta maaksyonan ni kay dili lalim gyod nga maka-experience og ingon ana. Nag masturbate ni siya sa atubangan sa amoang tindahan, “ asoy ni Taneo.
Dugang pa sa reklamante nga misuway pa ang lalake pagsulod sa ilang pultahan apan nakabantay nga gikuhaan siya og hulagway ug video, maong nilakaw dayon kini. Giawhag sa kapulisan ang dunay ideya o nakaila sa lalake sa pagsumbong sa ilang buhatan. (JKDP)