SUPERBALITA CEBU

Ilegal nga STL sa Cebu City dakpon na

Ilegal nga STL sa Cebu City dakpon na. (File photo)

Pangdakpon na ang illegal nga nag-operate og small town lottery (STL) sa Dakbayan sa Sugbo.

Human nga si Cebu City Mayor Edgardo Labella ug Philippine Charity Sweepstakes Office (PCSO) General Manager Royina Garma nagtagbo alang sa usa ka private meeting mahitungod sa maong hisgutanan.

“We must combat illegal small town lottery (STL) in Cebu City because the government is being cheated of its rightful shares nga angay unta magamit alang sa pag-deliver og basic services sa katawhan, ilabina karong pandemiya,” tipik sa pamahayag ni Labella sa iyang Facebook post.

Ang mayor nagkanayon nga base sa giduso mga report sa Cebu City Police Office may labot sa presensiya sa STL sa Cebu City, nawagtangan og minilyon nga bahin ang dakbayan nga maoy kuhaan alang sa programa ug proyekto sa mga Sugbuanon.

Si Labella kinsa maoy chairman sa Regional Peace and Order Council (RPOC) 7, nipadayag nga dili siya motugot nga magpadayon ang pagkuyanap sa illegal nga STL ilabi na sa dakbayan sa Sugbo.

Gitahasan ni Labella si Police Colonel Josefino Ligan, director sa CCPO nga dakpon kadtong mga tawo nga nagbuhat og illegal nga mga binuhatan labi na kadtong nagpadagan og STL nga dili ilawom sa pagdumala sa PCSO.

Si Garma nibisita sa Dakbayan sa Sugbo niadtong Mayo 7 ug nakigkita ni Labella aron hisgutan ug kahatagan og solusyon ang maong problema nga nakaapekto sa operasyon sa PCSO. Ilabi nga nga mas pili-on ang ilegal nga STL kay mas dako ang magdag-an ang numero nga gipustahan. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph