SUPERBALITA CEBU

Face to face classes sugdan na

Face to face classes sugdan na. (File photo)

Nakaduso na ang Department of Education (DepEd) 7 sa listahan sa 50 ka mga tunghaan alang sa unang batch nga andam na sa face-to-face classes sa school year 2021-2022.

Matod pa ni DepEd 7 Regional Director Salustiano Jimenez nga ang maong mga tunghaan gisusi na aron nga ikapatuman ang social distancing, kon aduna kiniy igong handwashing facilities, provision sa mask ug alcohol ingon man ang safety protocol markers.

Ang maong mga tunghaan sa Central Visayas nga andam na sa face-to-face anaa sa mga nagkadaiyang lungsod sa Probinsiya sa Sugbo, anaa sab sa Toledo, Bogo ug Carcar City.

Apan gipahibawo ni Jimenez nga wa pay tunghaan nga nahimutang sa mga Dakbayan sa Danao, Cebu, Lapu-Lapu, Naga ug Mandaue ang gitugotan nga maka-face-to-face classes.

“The schools need to comply with the requirements which is the tripartite agreement between the school, the local government unit, the parents-teachers association and DepEd, assuring the safety and security of the learners,” pahibawo ni Jimenez atol sa MOA signing with Globe niadtong Martes, Mayo 11, 2021.

KATUNGA LANG



Isip kabahin sa safety measures gitugotan lang ang 50 porsiyento nga kapasidad sa mga tinun-an sa matag lawak-saringan.

Tungod niini, adunay scheduling nga ipatuman sa matag tunghaan aron nga kini pamatuman.

Kon ang ubang tinun-an nagtungha sud sa classroom ang uban mohimo og blending learning method sama gihapon sa paggamit sa modules.

“This school year 2021-2022 will not be as challenging compared to last year. The previous school year caught us by surprise.,” matod pa ni Jimenez.

Nagkanayon si Jimenez nga iyang giduaw ang mga tunghaan nga gi-proposed alang sa face-to-face classes sa isla sa Camotes, Cebu; Bohol, Negros Oriental ug Siquijor.

Dugang pa sa opisyal nga padayon pa sila nga naghisgot sa tukmang petsa alang sa pagbukas sa klase alang karon nga school year.

BAKUNAHAN



Samtang mahitungod sa pagpabakuna sa mga magtutudlo nga ubos sa priority group nga nasakop sa A4 nga giingong daghan ang mipadayag nga andam sa maong bakuna.

“We already have the listing of all the teachers forwarded to the LGU where they will get vaccinated. We kept on advocating on our teachers to have themselves registered,” sigun ni Jimenez.

Adunay 82,000 ka mga magtutudlo ug non-teaching staff sa 3,765 ka mga tunghaan sa Rehiyon 7. (JOB)

VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph