SUPERBALITA CEBU

4K ka seniors sa bakunahan

ORMOC. Gisusi ni Mayor Richard Gomez ug City Councilor Vince Rama ang mga bakuna nga gitupok sa mga health care workers. (Hulagway gikan sa City Government of Ormoc)

ORMOC CITY--Dili mominos 4,000 ka senior citizens sa Dakbayan sa Ormoc ang gikatakda nga mabakunahan batok sa Covid-19 hangtod sa sunod semana diin karong adlawa, Mayo 13, ang pagpamakuna sa senior citizens sugdan na.

Mao kini ang gibutyag sa Superbalita Cebu ni Jester Zacarias, ang tigpamaba sa City Health Department.

Matod ni Zacarias, ang barangay nga nakauna pagsumiter sa ilang masterlist maoy unahon pagbakuna ang ilang senior citizens.

“So, ang sila duol nga vaccination center adto sila bakunahan. Amo nasab gihan-ay tanan karon,” matod ni Zacarias

Sa paghimo ning balita, ang Ormoc City duna nay 2,992 ka healthcare workers ang nabakunahan ug 257 ka senior citizens.

“Amo lang panawagan sa uban nga senior citizens nga nag no sa pabakuna, maayo unta mausab inyong huna huna kung inyo ng barangay ang schedule,” matod ni Zacarias

Dugang ni Zacarias, sa 15 ka nga nangamatay sa dakbayan gumikan sa Covid-19, pulos kini senior citizens.

Base sa datos sa City Health, mas daghan nga senior citizens ang gusto nga bakunahan.

Gisugilon usab ni Zacarias nga sa 257 ka senior citizens nga nabakunahan walay bisan usa nga dunay naglain ang paminaw.

“So far wala mi reported nga any adverse effect, wala man sab nanawag namo 2 to 3 days after kung naa silay gipaminaw” matod ni Zacarias

Gikatakda naman nga moabot karong third quarter ning tuiga ang bakuna sa AstraZenica nga gipalita sa loka nga kagamhanan sa Ormoc City. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph