Gikan sa pagsakmit sa NBA championship sa 2020, karon nagtinguha ang Los Angeles Lakers nga ilang makuha bisan ang ika-unom nga pwesto sa Western Conference pagkahuman sa 72 game regular season aron malikay sa play-in.
Kini human ilang gipatapsingan ang New York Knicks, kinsa top 4 sa Eastern Conference, 101-99 pinaagi sa overtime nga kadaugan didto sa Staples Center.
Gawas sa Lakers nga adunay 39-30 win-lose record, nagtinguha sab ang Dallas Mavericks 40-29 kinsa kasamtangang naa sa top 5 spot ug Portland Trail Blazers 40-29 nga maoy kasamtangan nga nagkupot sa number 6 seed.
Ang tulo ka team adunay tulo ka mga duwa nga nahabilin: ang Lakers moduwa karon batok sa Houston Rockets, Mayo 17 batok sa Indiana Pacers ug sa Mayo 18 nga maoy ilang last game batok sa New Orleans Pelicans.
Ang Mavericks adunay nahabiling duwa batok sa Pelicans karon adlawa, Toronto Raptors sa May 16 ug sa Minesotta Timberwolves karong Mayo 18.
Samtang ang Trail Blazers maoy adunay mga lig-ong kontra sanglit makigbatok sila karong adlawa sa overall number one seed Utah Jazz, number 2 seed Phoenix Suns sa Mayo 15 ug Denver Nuggets sa Mayo 18.
Ang kadaugan sa Lakers gibidahan ni Talen Horton-Tucker kinsa nakapasulod sa iyang tira sa tres sa nahabiling 21.1 seconds sa extra period.
Nibibo ang kompetisyon sa inilogay sa top 6 sanglit napilde ang Mavericks batok sa Memphis Grizzlies 133-104 sa ilang duwa kagahapon sanglit natabla ang ilang standing batok sa Blazers.
Sa laing mga duwa, sulod na usab sa playoffs ang Miami Heat human ilang gipilde ang Boston Celtics 129-121 sa ilang duwa kagahapon samtang ang Boston nahagsa sa number 7 nga maoy makaduwa sa play-in sa East.
Ang Philadelphia 76Ers gihapon ang top seed sa East bitbit ang 47-21 win-lose record ug gisundan saBrooklyn Nets (44-24), Milwaukee Bucks( 43-25),New York Knicks( 38-31),Atlanta Hawks (38-31) Miami Heat (38-31) diin nag-tie ang number 4 ngadto sa 6 seed).
Sa West, ang Jazz maoy number 1, nagsunod ang Phoenix Suns, number 3 seed ang Los Angeles Clippers, ikaupat ang Denver Nuggets. (PAC)