TNT coach Chot mapasigarbuhon sa kalampusan sa iyang manghod nga si Mike

CEBU. Coach Mike Reyes (left) Coach Chot Reyes (right). (Tampo nga hulagway)
CEBU. Coach Mike Reyes (left) Coach Chot Reyes (right). (Tampo nga hulagway)

GARBO ug dungog maoy gibati ni TNT headcoach Chot Reyes taliwala sa kadaugan ug kalampusan nga naangkon sa iyang manghod nga si coach Mike Reyes sa bag-ong natapos nga Pilipinas VisMin Super Cup Visayas leg nga gipahigayon sa Alcantara Civic Center sa lungsod sa Alcantara, Cebu.

Niadtong Dominggo, Mayo 9, 2021, ang KCS Computer Specialists-Mandaue City mipakaging sa powerhouse MJAS Zenith-Talisay City Aquastars sa deciding Game Three sa ilang finals series, 89-75.

Sa interview sa Tiebreakers Times, si coach Chot mibutyag nga sa matag duwa sa team sa iyang manghod bisan pa sa Southwestern University-Phinma sa Cesafi permi gyud siyang motan-aw.

Niadtong 2019, si coach Mike migiya usab Southwestern University (SWU) Cobras ngadto sa kampiyonato sa Cebu Schools Athletic Foundation, Inc. (Cesafi).

“I watch all of his games whether in Cesafi or VisMin,” mato ni Coach Chot.

Kini bisan pa man sa iyang ka busy isip coach ug sa samang higayon nag-akatar usab sa iyang negusyo.

“I’m very, very proud and very, very happy for him but I’m not surprised because he has paid his dues. He has put in the work,” dugang ni Chot, kinsa mipasumbingay nga bunga kini sa kakugi nga gihimo sa iyang manghod sa niaging pipila ka tuig.

“I hope nobody thinks that this was an overnight success because that’s a 20-year overnight success. It took a lot of blood, sweat, and tears.”

Niadtong 2002-2005, gikauban si Chot ug Mike isip usa sa mga assistant sa Coke ug didto hinayhinay sa pagsugod og kat-on ang iyang manghod.

Dili lang kay naila kaayo niya si coach Mike kon dili sayod usab siya sa style niini nga dili daling ma-discourage.

“It was grinding because if you’re going look at the other team, they have much superior firepower. So he cannot compete in a high-octane kind of game,” pasabot ni Chot.

“His chance was to play the game at a pace that they have a chance to win.”

Duha ka prestisyusong titulo sulod sa duha ka tuig - butang nga naghatag og impresibong resume sa coaching career ni coach Mike kinsa mao usab karon ang athletic director sa SWU. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph