Tambagi ko Noy Kulas: Na inlab sa kauban

Dear Noy Kulas,

Maayong adlaw, Noy. Ako si Jun, minyo ko.

Unsay maayo nakong buhaton aning akong problema? Naay clerk nga under nako nga taguon sa ngan nga Kat, minyo sad ni pero maru diay kaayo. Wa lang nako damha, nahug na man akong pagbati, naibog na ko niya.

Marunong diay kaayo ni siya kay pagkahibaw niya nga nakagusto ko niya, bisan unsa na lay buhaton ug i-request niya, di ko kabalibad. Ambot naunsa ko nga wa na gani ko makahuna-huna kon makadaut ba naku ang iyang gipang request. Sige ra ko og yes sa tanan niyang buhaton. Niabot sa punto nga napasakitan na diay nako akong asawa kay ako man ginawong og sulti nga nakagusto ko sa akong kauban. Igo rang nihilak akong asawa.

Seguro pagbuot sa kahitas-an nga malayo ko aning Kat kay mi leave ug miuli sa ila probinsya. Ang iya sulti nga basig next month pa siya mobalik og work. Unsa kahay maayo nakong buhaton kon mobalik na siyag? Hinaot imo kong matambagan ug para sad ang uban nga bana nga nahisalaag sama nako makabasa sa imong tambag.

Daghang salamat.

JUN

Jun,

Nganong mag-amuma ka man og sagbot nga wa ka may maani niana niya? Sagbot na siya kay sa ginaingon mo pa, siya mapahimudsanon. Way babaye nga dunay delikadesa ug respeto ang makaako sa pagpahimus, labina kon wa siyay pagbati. Kana kay nagpahimus siya nimo, ubos ra ang iyang pagtan-aw nimo.

Busa, nganong mag-usik ka man og effort? Aron lang ba mahigugma siya nimo? Klaro man kaayo nga wa siyay gugma kay kon naa pa, di na siya magpahimus. Pugngi ang imong gibati. Rekindle sa inyong gugma sa imong asawa. Pangayo usab og pasaylo.

NOY KULAS

rojval69@yahoo.com

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph