Kapulisan sa Siyudad sa Sugbo andam motabang sa Prevention, Restoration, Order, Beautification and Enhancement (Probe) sa pagsakmit ug pagguba sa mga yellow booth nga gipanag iya sa mga illegal small town lottery (STL) operators sa kadalanan sa Siyudad sa Sugbo.
Kini human nimando si Mayor Edgardo Labella sa Probe sa pagguba sa ilegal nga mga STL outlet nga nanurok samag uhong sa siyudad.
Tanang STL outlets sa Cebu City ug Mandaue City puro pa ilegal, matod ni Philippine Charity Sweepstakes Office (PCSO) manager Royina Garma.
Matod ni Police Lieutenant Colonel Wilbert Parilla, deputy city director for operations sa Cebu City Police Office , nga aduna na silay nangadakpan niadtong milabay nga semana.
Ila na usab kining usbon tungod sa pagbalik na usab sa operation sa illegal nga sugal. (AYB)