Unom ang nangaangol sa panag bangga sa duha ka multicab sayo sa buntag sa Huwebes, Mayo 13, sa lungsod sa Sibonga, amihanang Sugbo.
Nadawat sa kapulisan ang maong alarma alas 5:50 sa buntag.
Ang unom nga nangaangol mga sakay sa puti nga multicab nga gikan sa Siyudad sa Sugbo samtang way angol sa sakay sa brown nga multicab nga gikan sa Sibonga-Dumanjug road.
Matod ni Francis Baynosa, team leader sa disaster response sa Sibonga, nga kusog nag padagan ang puti nga multicab gikan sa siyudad samtang ang driver sa brown nga multicab dili sweto sa maong dapit.
Ang mga sakop sa Sibonga Municipal Risk Reduction Management Office (MDRRMO) daling niresponde ug gidala sa labing duol nga tambalanan ang mga angol.
Padayun pang gihusay sa kapulisan ang duha ka mga driver kon kinsa ang sad-an kanila. (JDS)