Migraduwar sa pag-rehab

(Hulagway gikan ni Arnold Y. Bustamante)
(Hulagway gikan ni Arnold Y. Bustamante)

Kapin na sa 200 ka drug surrenderers sa Barangay Ermita, siyudad sa Sugbo ang hingpit na nga nakatapos sa tulo ka buwan nga community-based drug rehabilitation program nga gipasiugdahan sa City Office Substance Abuse Prevention (Cosap), human sa laing 19 ang nakagraduwar kagahapon, Mayo 13.

Ang Ermita giila nga usa sa labing apektadong barangay sa siyudad bahin sa problema sa ilegal nga druga.

Si Ermita Barangay Kapitan Mark Miral nagkanayon sa nagpadayon ang programa kanunay sila nga gibantayan nga dili mobalik sa ilang bisyo.

Si Jona John Rodriguez, pangulo sa Cosap, nagkanayon nga ilang susihon ang ilang pundo alang sa paghatag og hinabang sa maong mga kanhi drug dependent sama sa livelihood program.

Kaniadto ang siyudad nihatag og tag P3,000 sa matag surrenderer apan, dason ni Rodriguez, tan-awon pa unsay ilang matabag. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph