DIGOS CITY -- Miabot 119 ka indibiduwal ang nasikop sa "Oplan Patagam" sa ka Digos City Police Station (DCPS) human naabtan nga milapas sa Covid-19 minimum health protocols alas 11:00 sa gabii, Martes, Mayo 11.
Gitataw ni Lieutenant Colonel Vici Anthony Tababa, hepe sa DCPS, nga naabtan ang 119 ka violators didto sa Win's Batchoy sa Barangay Dawis ning siyudad.
Sumala ni Tababa nga gawas nga wa nay social distancing, pagsul-ob og face mask ug face shield, nakalapas sab kini sa curfew hours ug liquor ban nga ordinansa sa lokal nga gobyerno.
Sa mga nasikop, siyam niini mga menor de edad ug 12 ang milapas sa Republic Act 4136, kun Land Transportation Code of the Philippines.
Pulos nakabayad og multa ang mga dinakpan subay sa managlahing bayolasyon.
Napasidaan sab si Tababa sa publiko nga dili balewalaon ang Safety Health Protocol and Orders sa dakbayan aron dili masilotan.
Padayong gipatuman sa kapulisan ang mga balaod sa Covid-19 protocols ug gukdon ang mga tawong wa motamod sa pakigbisog batok sa pandemya. (Orlando B. Dinoy)