IG-ON sa pag-landfall sa Bagyong Crising karong adlawa, Mayo 14, ang Davao Oriental-Surigao del Sur area diin subay sa Track and Intensity Outlook sa bagyo, mi-landfall na kini Huwebes sa gabie, Mayo 13, padung Byernes sa buntag.
Ang bagyo mopaulan sa Davao Region diin nabati na sa Davao City, Davao Oriental, Davao de Oro, Davao del Norte, Surigao del Sur, ug Agusan del Sur nga daan nang nabutang sa signal number 1 ug 2.
Sa severe weather bulletin 4 sa Pagasa, ang bagyo naglihok pa west-northwest sa Davao Oriental padung sa Surigao del Sur area.
Ulanon ang pipila ka porsiyon sa Davao Region diin ugmang adlawa masinati gayod ang kusog ngadto na sa hinay nga mga pag-ulan sa Surigao del Sur, Agusan del Sur, Davao Oriental, Davao de Oro, ug Davao del Norte.
Ang signal number 2 mao ang Surigao del Sur (Lingig, City of Bislig), southern portion sa Agusan del Sur (Loreto, Trento, Bunawan, Santa Josefa, Veruela), the northern portion of Davao Oriental (Boston, Cateel, Baganga), northern portion sa Davao de Oro (Laak, Monkayo, Montevista, Compostela, New Bataan, Nabunturan, Mawab), ug ang northern portion sa Davao del Norte (Kapalong, San Isidro, Asuncion, New Corella, Talaingod).
Ubos sa signal number 1 ang Surigao del Sur, Agusan del Sur, Agusan del Norte, Davao Oriental, Davao de Oro, Davao del Norte, Davao City, Bukidnon, Lanao del Sur, Lanao del Norte, Misamis Occidental, Misamis Oriental, Camiguin, ug sa Zamboanga del Sur (Josefina, Molave, Tambulig, Aurora).
Andam na sab ang matag local government units sa rehiyon sa pag-rescue sa posibleng mabiktima sa bagyo. (Jeepy P. Compio)